Home General Conferencia Di Gobierno Awe Pa Anuncia Mas Cos Grandi

Conferencia Di Gobierno Awe Pa Anuncia Mas Cos Grandi

0
0
SHARE
- Advertisement -

Diamars tin groundbreaking pa embeyecimento di ciudad.

Un comision cu lo guia pacto social lo ser instala 

ORANJESTAD (AAN): Gobierno nobo no ta para keto. Esnan cu pasa dilanti di bestuurskantoor ta testigo di e oranan largo cu e mandatarionan di gabinete Mike Eman Uno ta traha.

   Anochi pasa di 9’or ta e orario cu Prome Minister entre otro ta stop di traha pa e bay cas. Awe dialuna pa 10’or lo tin un conferencia di prensa di gobierno.

    DIARIO tin informacion cu den e conferencia aki gobierno lo anuncia dos cos hopi importante cu ta regarda interes general. Pa cuminsa lo anuncia cu diamars lo tin ponemento di e prome piedra pa cuminsa embeyece caya grandi.

    E prome piedra lo ser poni den e vecindario di Plaza Daniel Leo. Den embeyecimento di nos ciudad cu caya grandi ta inclui e binnenhof patras di bestuurskantoor.

    Hunto cu e anuncio di embeyecimento di caya grandi awe gobierno lo anuncia un comision tambe cu lo cuminsa traha riba un dialogo nacional. Tur cos ta indica cu lo bay trata na uni y bay mesa cu e sector priva y sector sindical.

    Tin hopi cos serio cu mester tuma decision riba dje den e proximo 4 añanan di gobernacion di e gobierno gabinete Mike Eman Uno. Pesey mes gobierno lo kier tuma su decisionnan hunto cu e sector priva y sindical pa tur ta riba mesun linea na bienestar general di pais Aruba.

    E comision cu lo ser anuncia awe lo guia e pacto social aki. Pesey DIARIO mañan lo trece henter un relato riba cosnan positivo cu gobierno lo bay anuncia awe atrobe.

- Advertisement -

DUNA COMENTARIO

Please enter your comment!
Please enter your name here