Home Deporte Dia di Betico a wordo celebra en grande

Dia di Betico a wordo celebra en grande

2
0
SHARE
- Advertisement -

atleta1ORANJESTAD (AAN) — For di diabierna caba algun di e organización nan deportivo a cuminsa cu nan actividad nan deportivo enconecion cu Dia di Betico. Diabierna DIARIO Deportivo a bai cubri e wega di campeonato di futbol division honor cu a continua entre e muchanan di Estrella contra di Sportboys cu a termina 3-2 pa Estrella. Diasabra caba algun di e actividad nan pa Dia di Betico a cuminsa manera entre otro baseball na Centro di Bario Noord, demostración di Tango Soo Do, careda di mountain bike y torneo di softball na Flatstone Ball Park. Diadomingo e dia grandi mes esta, Dia di Betico a cuminsa for di mainta trempan cu e careda di mountain bike na Drive Inn, sigui pa torneo di futbol femenino na Parke Johan Cruyff, torneo di softball na veld di Calabas y tambe tabata tin competencia di Paintball y tambe pa atardi tabata tin e gran careda di Betico Memorial 10 K y 6 K cual tabata tin un tremendo asistencia y pa finalisa e dia tabatin e final di futbol Copa Betico Croes 2010, di cual Britannia a bira campeon y a logra bai cu e titulo aki pa di tres biaha.

Di parti DIARIO Deportivo nos kier a manda un palabra di pabien na Aruba henter cu e celebración grandi aki di Dia di Betico y tambe un palabra di pabien na tur e organización nan deportivo cu a haci nan actividad nan riba e dia aki, y na esun nan cu nos no por a yega, despensa nos ya cu e weekend largo aki tabata hopi druk pa nos fotografo nan.

Y tambe un pabien grandi na tur e team nan cu a gana durante di e weekend aki Dia di Betico y un pabien na Arnold Brouwer kende a gana e Betico Run 10K y tambe na e team di Britannia cu nan titulo di Campeon Copa Betico Croes.

- Advertisement -

DUNA COMENTARIO

Please enter your comment!
Please enter your name here