Home Politica Diario No A Cambia Di Opinion: Marisol Ta Corupto

Diario No A Cambia Di Opinion: Marisol Ta Corupto

11
1
SHARE
- Advertisement -

Analisis Politico

ORANJESTAD (AAN): Marisol su abogadonan a logra cu un triki lanta e impresion cu e ex ministro aki lo no ta corupto. Loke nan a haci durante e caso cu nan a entama contra DIARIO ta concentra henter e asunto di corupcion solamente riba e caso di Sero Colorado y forza Huez cu den e caso ey DIARIO no tabatin suficiente prueba cu Marisol tabata directamente envolvi.

   DIARIO ta keda di opinion cu ora cu mustra bon cla cu ta e empleado di Marisol, difunto Elio Lopez, tabata e persona cu a organiza henter e benta di casnan na Sero Colorado bisando tur e cumpradornan cu e ta actua cu consentimento di Marisol y cu e placa cu nan tabata paga pa haya e derecho pa cumpra un di e casnan na Colony tabata placa cu tabata pe e campaña noble di Marisol. E manera cu e acuerdonan tabata worde cera tabata cu cada cumprador mester a manda un peticion pa Marisol directo pa por haya e derecho di cumpra un cas.

   Investigtacion di DIARIO a mustra cu un cantidad di e cartanan aki a keda cerca Marisol. E no a manda nan loke ta normal pa e departamento cu ta atende cu casonan asina. Pesey DIARIO a bay di acuerdo pa den e caso di Sero Colorado declara cu ainda no tin suficiente prueba cu Marisol ta corupto. Pero den esaki ningun momento DIARIO a cambia di opinion cu Marisol ta corupto basa ariba un cantidad di otro bagamunderianan cu a tuma luga caminda Marisol ta e malhechor.

   Casonan di su bode, casonan di Maurice Neme, casonan di brug di Madushi, e miyon di Namdar y e transaccion di un miyon cu un offshore di Curaçao ta grita corupcion y DIARIO lo no hala atras den e escandalonan grandi cu tin akinan. Marisol cu un triki por kere cu e a scapa pero e por ta sigur cu DIARIO lo keda mustra mundo ta ki tipo di gobernante Marisol ta. Na prome luga DIARIO ta bay haci un apelacion ariba tur esnan cu a worde engaña den e escandalo di Sero Colorado pa duna DIARIO e informacionnan di e manera cu nan a worde gara den e cuenta di compra di cas na Sero Colorado. Ademas DIARIO di awo padilanti ta bay concentra mas ainda ariba tur e casonan cu ya caba a bay den publicidad y cu nunca Marisol a  opone. Probablemente e y su abogadonan ta conciente cu e casonan ey nan no por gana. Pesey Marisol nunca no a reacciona riba nan.

    Gobierno di Hulanda a dicidi cu mester bin un investigacion profundo riba e bagamunderianan cu a tuma luga durante e gobernacion di MEP. DIARIO a sostene e initiativa aki desde principio. Aunke DIARIO normalmente lo ta contra pa tin metemento di Hulanda den asuntonan cu ta di Aruba pero mirando e cantidad grandi di casonan cu no ta aceptabel DIARIO ta di opinion cu aki mester bin un investigacion profesional haci door di expertonan independiente, hendenan di afo cu no ta afecta pa e partidismo cu nos a mira cerca nos ministerio publico y probablemente presente tambe cerca nos landsrecheche.

      Esaki ta necesario pa un dia nos por ta sigur cu Aruba lo no haya un gobierno corupto manera esun di MEP durante ocho aña largo. Nos mester percura pa tur esnan cu tabata envolvi den e corupcion haya loke nan merece.

- Advertisement -

1 COMMENT

  1. DUSHI OHM ASINA MESTER TA MARISOL TA CORUPTO NADA PA CAMBIA EY NAN HIHIHIHIHI AMI TA APOLLA DIARIO

DUNA COMENTARIO

Please enter your comment!
Please enter your name here