Home Editorial E Payasadanan Di E Gobernante Corupto!

E Payasadanan Di E Gobernante Corupto!

2
2
SHARE
- Advertisement -

jossy_mansur_pic                Ainda Marisol ta kere cu e ta riba un escenario, presentando un “show” , y asina caba di comproba cu e tin dificultad pa compronde kico a sosode den sala di Corte. Falta di inteligencia? Incapacidad pa enfrenta e berdad? O simplemente hacimento di lawai pa tapa defectonan propio como ex-gobernante? Sea loke sea cu a infecta su cerebro, su corupcionnan ta keda di manifiesto y lo ser presenta cu luho di detaye y documentonan comprobatorio na momento cu e bolbe dicidi di hiba nos Corte! Mientras tanto, DIARIO lo sigui publica un pa un tur su “vupa” nan!

                Marisol ta den loke e Americanonan ta yama “denial”, pasobra ainda e ta bao e impresion cu e lo a “gana” algo den Corte. Ta straño cu e no ta compronde Hulandes, pasobra Huez a pone bon cla den e proces verbal cu el a traha di e sugerencia cu e mes a haci, cu Marisol ta desisti di exigi un rectificacion, y además ta distancia su mes di cualke otro exigencia cu e lo por haci tocante e caso. Miho e bolbe lesa e ultimo dos lineanan di e “acuerdo”, prome cu e sigui haci su mes ridiculo den bista di Pueblo! DIARIO a publica cabalmente y exactamente loke Huez a sugeri y tur dos parti a acepta, sin ningun comentario acerca!

                Nos a publica loke a pasa den Corte pasobra esey ta nos tarea como medio di comunicacion, pa Pueblo keda bon informa di e acontecimentonan riba su isla. Como cu no tabata tin nada di sconde, DIARIO a hacie cu luho di detaye. Asina mes, Marisol a sigui zapatea ayera den su di dos conferencia di prensa pa purba convence cu repeticion y loke ta parce populismo, loke e no por a convence cu argumento o razón.

                Di cu DIARIO a proba sin lugar na duda cu Marisol tabata un gobernante corupto, tur hende a compronde for di e multiple documentonan cu a ser presenta den e matutino y despues den Corte. Di cu e Huez no a lesa nan pasobra nan tabata na Papiamento, no ta duna Marisol e excusa di gaña cu Huez a libre di tur loke ta relaciona cu e significacion di e palabra “corupto”. E tambe ta comete e eror, pa falta di conocimento di su propio idioma, di ta al tanto di e berdadero significado di e palabra. E no ta relaciona solamente cu soborno, o nepotismo, o estafa, o maluso di poder o puesto pa faborece indebidamente bo mes of otro persona, sino cu e ta inclui nan tur y ta bay hopi mas leu. Den Corte nos lo splike na cent chikito, ilustra cu tur e definicionnan  den diccionarionan y bukinan di Ley. Si despues di esey ainda e no compronde cu el a comete actonan claro di corupcion, anto e unico conseho cu por dune ta pa e retira di politica y dedica su mes na baile, teatro, o cualke otro ramo di nos cultura o folklore.

                Un cos ta sigur, y esey cualke Huez por dilucida: Marisol a faborece indebidamente esnan cu a financia su campañanan y carera político cu propiedadnan di Pueblo cu bal un miyonada, sin ofrece e oportunidad ey na otro miembronan di Pueblo Arubiano. Esey ta convirtie den un gobernante corupto! DIARIO a publica varios di e casonan ey, cu e nombernan specifico di esnan envolvi, hasta unda tabata tin esnan cu a haya propiedad di Pueblo na nan nomber, pero ta un financiador di su campaña a paga e gastonan envolvi. Si esaki no ta corupcion, kico ta? Acaso el a lubida caba e rebelion di protestanan cu el a causa dia cu el a mete cu waf chikito?

                 Pa loke ta trata e brug di Madushi, mirando tur e documentonan envolvi di e abuso ey di poder y maluso di e placa di pueblo pa faborece miembro(nan) di su famia, bayendo hasta contra e conseho di por lo menos un di su conseheronan, acaso por ta existi un ehemplo mas claro di corupcion? Marisol por bula ariba dal abao, e no por libra su mes di tur e mal actonan cu el a comete y cu ta bon documenta! Cu e kier sigui bay Huez pa purba scapa su peyeho? E dal bay. Nos no tin nada contra. Lo unico cu por bise den conclusion ta: Huez no a libre di nada! El a djis brinde un oportunidad temporal pa ricibi un gesto generoso di DIARIO, y na lugar di acepte como tal, tanto di parti di e Huez como di parti di e matutino, ate a bay den un campaña di mentira pa troce loke di berdad a sosode den Corte. Dos conferencia di prensa den menos di tres dia, y blablabla continuo na Radio Riool y Solo di Corupcion, además di teleMep, ta demostra su gran desesperacion pa impone su mentiranan unda berdad lo a sirbie miho!

- Advertisement -

2 COMMENTS

  1. @ ARUBA … don’t be stupid! If you think writing the truth about somebody who’s a public figure then you’re beeing ignorant !

DUNA COMENTARIO

Please enter your comment!
Please enter your name here