Home Hudicial E Siete Empleadonan Di DOPV A Perde Caso Sumario

E Siete Empleadonan Di DOPV A Perde Caso Sumario

0
0
SHARE
- Advertisement -

ORANJESTAD (AAN): Den corte tabata tin sentencia cu a cay Diaranzon, despues cu 8 trahador di DOPV kendenan a haya trabao recientemente for di e gobierno anterior, a entama un caso contra Gobierno.

 E gobierno nobo a manda nan cas pa falta di fondo. Relaciona cu e sentencia nos a busca abogado mr Edwin Duijneveld cu ta defende siete di e trahadornan aki.

Segun Duijneveld,  manera Gobierno nobo a sinta, varios hende a worde manda cas, incluyendo e 7 trahadornan cu el a representa.

Gobierno a bisa cu nan no tabata tin fondo pa mantene e trahadornan aki na trabao, pero segun e abogado, si tabata tin fondo.

Segun Duijneveld, Minister anterior a papia cu su Minister di Finanzas y eynan nan a haci e fondonan disponible.

E abogado a indica cu awor el a cuminza un asina yama ‘bodemprocedure’, pero pa e hendenan no keda sin placa, el a bin cu un asina yama ‘voorlopige voorzienning’, pa pidi huez pa gobierno mientrastanto sigui paga e hendenan.

E empleadonan aki no tin nan landsbesluit ainda, pasobra esey semper ta tarda.

Esey no ta kita cu mayoria di biaha e hendenan ta cuminza traha y esey ta worde regla durante e lunanan cu nan ta na trabao.

Door cu nan no tin landsbesluit ainda, e huez a bisa den su sentencia cu apesar cu nan a traha pa algun siman, e no ta haya cu nan ta ambtenaar.

Segun Duijneveld, e no a haya cu e caso a bay segun e pregunta riba si Gobierno tabata tin placa disponible pa e empleadonan of no.

Huez a bisa cu e ta huez pa casonan di ambtenaar, pero e no ta haya cu nan ta ambtenaar.

Duijneveld no tabata di acuerdo cu e ponencia aki di huez y pesey e kier bay wak con e caso lo bay den e ‘bodemprocedure’.

El a bisa cu den pasado tabata tin casonan similar y e si ta haya cu nan ta ambtenaar.

 E caso di e trahadornan aki no ta uno unda cu net prome of despues di eleccion nan a worde nombra.

Tin di nan tin 8 y te cu 16 aña trahando.

Door di decision di huez e hendenan no ta bay haya nan salario.

Nan tin cu warda te ora e caso caba.

E abogado a indica cu e lo bay papia cu su clientenan pa wak si lo cuminza un proceso civil, of warda te ora e bodemrechter dicidi riba e caso aki.

- Advertisement -

DUNA COMENTARIO

Please enter your comment!
Please enter your name here