Empleada di Ministerio Publico deteni pa malversacion
Suma di 30.000 Florin…
ORANJESTAD (AAN): Diaranzon e oficialnan di LandsRecherche a bay pa detene un empleada di Ministerio Publico como sospechoso di malversacion di placanan di boet. Tabata dia 27 di januari ultimo un trahador di parket di Ministerio Publico a worde deteni riba sospecho di desfalco na pia di trabao. E fiscal encarga cu e caso a pone e investigacion, despues di consulta cu Procurador General, den man di LandsRecherche. Durante control interno, cu cual a cuminza medio 2009 riba ordo di Procurador General, a resulta cu tabata existi e sospecho cu e persona envolvi posiblemente a malversa un suma di 30.000 Florin. Mientrastanto a tuma medidanan pa preveni ripiticion di e tipo di hechonan castigable aki.
Manera costumber, Ministerio Publico lo no duna pa e momento mas informacion pendiente e investigacion. Pero tog no por descarta cu e posibilidad ta existi pa mas detencion.
