Home General Esaki ta e Arubiano “Jorge Flores” cu ta deteni na Irlanda

Esaki ta e Arubiano “Jorge Flores” cu ta deteni na Irlanda

10
1
SHARE
- Advertisement -

irlanda1Caso di bom-melding riba vuelo ArkeFly
ORANJESTAD (AAN): Riba e potret aki, por mira momento cu e Arubiano, Jorge Flores, ta worde hiba pa Corte na Irlanda, relaciona cu e acusacionnan serio cu tin contra dje, pa causa teror internacional den aire. Jorge Flores aki ta biba den area di Rotterdam na Hulanda. El a worde hiba Corte unda su caso ta andando. Pero te cu ayera no tabata tin mas informe di Jorge Flores cu a worde deteni pa autoridad Irlandes ora cu forza piloto di Arkefly a dicidi ateriza despues di a worde notifica cu e sospechoso a expresa cu tin bom abordo di e avion.
Manera ta conoci e avion Boeing 767 a lanta vuelo for di Schiphol abordo mas cu 230 persona cu destino Aruba y Curaçao. Durante di e vuelo e pasahero encuestion a expresa entre otro, cu e tin un Bom abordo, y e ta poni den e cockpit.

Tur esey el a haci, debi cu supuestamente e no tabata mag di haya biña gratis abordo, esta cu e tin di paga pe.

E menaza di bom a pone cu inmediatamente e capitan a desvia avion, bira back cara pariba y a ateriza na Aeropuerto di Shannon na Irlanda.

Mientras tanto a busca informe con a para cu e sospechoso ya cu diahues e lo mester a presenta na Ennis District Court.

DIARIO ta dispone foto di e sospechoso na momento e ta worde hiba pa agentenan di seguridad pa responsabiliza su mes den corte. E prome biaha cu e lo aparece el a pidi pa traductor pa atende su caso.

irlanda2Den e proximo dianan lo por tin mas informe relaciona cu su caso na Irlanda sea e lo tin cu paga cierto suma di placa pa lage bay , of e lo tin di keda deteni. Tin chens cu e lo por haya ‘black-list’ di viaha pa resto di su bida tambe.

Riba dje e compania di Aviation no ta exclui cu lo presenta cuenta pa cu e gastonan total cu nan a haya nan aden.

UN OTRO
JORGE FLORES

Ta conoci cu e Jorge Flores envolvi den e bom-melding, ta biba na Hulanda. Pa puro casualidad, na Aruba tambe tin un OTRO Jorge Flores ta biba.

E ta ocupa un puesto importante na Total Services, e compania respeta na Aruba. Pa casualidad, e dianan aki Jorge Flores ta na St. Maarten pa trabao.. Pero cada rato hendenan ta yame y puntre si acaso e ta esun cu tin di haber cu e vuelo di ArkeFly. Esey no ta berdad! Djis pa casualidad tin dos Jorge Flores na Aruba.

- Advertisement -

1 COMMENT

  1. Den kiko e meneer aki a hinka su curpa. Fuera di castigo pisa , elo hanje ta paga tur gasto haci pa Arkefly plus e schadeclaim cu e pasaheronan entrega aden. Lo ta combinacion di nervio pa e vuelo, alcohol, droga of ela flip aya riba. Dios spaar tur hende.

DUNA COMENTARIO

Please enter your comment!
Please enter your name here