Home General Esnan Cu A Viaha Pa Exterior Y A Bin Cu Griep Tuma...

Esnan Cu A Viaha Pa Exterior Y A Bin Cu Griep Tuma Precaucion

3
0
SHARE
- Advertisement -

Sra. Sharline Koolman cu yamada pa comunidad:

ORANJESTAD (AAN) — Ayera’tardi a tuma lugar un conferencia di prensa convoca pa Departamento di Salud Publico, den cual a worde participa, entre otro, e di dos ronda di vacunacion contra Swine Flu, of AH1N1 (of griep di porco) pa e personanan cu a haya e prome vacuna caba.

A hiba palabra Minister di Salubridad dr. Richard Visser, sra. Sharline Koolman, Hefe di Departamento di Epidemiologia y su coleganan sra. Maribel Tromp y sr. Ronald Geerman.

Ademas e papia sra. Margarita Pourier di Wit Gele Kruis, dr. Derrick Ian Block, consehero di Minister di Salud, y tabata presente tambe dr. Wilmar Salazar y otro miembronan di salubridad.

Sra. Sharline Koolman cuminza bisando cu Minister Visser, titular di Salubridad Publico, a haci un bishita di trabao na Hulanda, unda el a bay na diferente centro di vacunacion pa e mes wak con esaki a tuma lugar y si eventualmente a surgi algun complicacion.

Sra. Koolman a haci enfasis cu no mester lubida cu e mesun vacuna cu nan a pone na Hulanda a worde poni na Aruba tambe.

Ademas, pa haya experiencia for di Hulanda cu ya caba a termina cu e di dos ronda, y pa nos cu ta bay cuminza cu e di dos etapa siña algo di esaki.

Señora Koolman a indica cu e ola di frio na e momentonan aki ta sutando gran parti di mundo, y por mira caba cu e temporada di griep ta mas intenso.

“ Pues, no kere cu pasobra December a pasa y nos a duna vacuna cos a caba. Esey no ta berdad. E temporada di frio ta mas intenso aworaki cu nunca, y  nos kier recorda tur hende cu a viaha of cu ta viahando ainda, pa cualkier parti pafo di Aruba, cu nan por bira malo. Y si acaso nan ta bin bek cu griep, tuma e precaucionnan necesario di higiene. Si un persona bin hopi malo y cu complicacion, por fabor yama su docter y pone na haltura di esaki. Na bo cas bo mes por aplica medidanan di higiene door di laba man, ora di tosa (tapa boca) tira e papel afo, manera a worde publica un par di biaha caba”, sra. Koolman a remarca.

Pues, pa practica esaki pa evita cu e griep por plama den famia y mas ainda si tin mucha chikito den cas.

- Advertisement -

DUNA COMENTARIO

Please enter your comment!
Please enter your name here