Home General Falta Di Personal Administrativo Ta Un Aspecto Cu Ta Resalta Den Diferente...

Falta Di Personal Administrativo Ta Un Aspecto Cu Ta Resalta Den Diferente Departamento Na Corte

2
0
SHARE
- Advertisement -

Hefe di Corte contento cu bishita di Minister di Husticia:

Maneho di e gobierno nobo lo determina tumamento di hende den servicio!

ORANJESTAD (AAN):   Minister di Husticia mr drs Arthur Dowers tabata na corte pa asina sera conoci cu e funcionarionan y tambe hueznan.

   E mandatario di husticia a haya henter un recorido den corte y scucha tambe loke ta e deseonan di corte pa por hiba un mihor maneho.  Falta di personal administrativo ta algo cu a resalta.

   Den entrevista cu mr Isella Wernet, hefe di corte el a splica un tiki mas di e bishita di minister Arthur Dowers cerca corte na Wayaca.

   El a expresa cu nan ta contento cu nan a haya e bishita di e minister y cu nan a mustre e edificio caminda temporalmente nan ta ubica y den spera pa nan por bay den nan edificio nobo pronto.

  Corte tin un promedio di 50 trahador y e minister por a haya chens pa den un forma cortico papia cu mayoria di nan.  Locual ta resalta den e departamentonan, a bisa,  ta e cantidad di personal cu tin actualmente disponible den corte pa apoya e hueznan.

  Señora Wernet a enfatiza cu loke mas ta hunga un rol ta e personal administrativo di diferente griffier. Durante añanan, nan a logra di haya diferente hurista principalmente riba nivel di HBO como nivel di WO, pero ariba e parti administrativo, e personeel stop cu tabata tin y cu e tin entendi tin ainda,  prome cu eleccion nan a haya permiso pa cuminza e procedura ey.

  A señala cu nan a dicidi di want’e pa asina wak kico ta bay ta e maneho di e gobierno nobo pa locual ta trata tumamento den servicio. Na corte nan ta haci e screening y nan ta wak e educacion di e persona, pero tambe nan ta wak e background y si e ta un persona cu por funciona den corte pa locual ta worde haci eynan.

   Door di esey nan ta hopi stricto pa locual ta trata e tipo di personanan cu nan ta pone traha den e organizacion, a indica.

- Advertisement -

DUNA COMENTARIO

Please enter your comment!
Please enter your name here