Ford Explorer a slip y bay dal den baranca
ORANJESTAD (AAN): Diferente accidente a keda registra Diahuebs mainta na Aruba, ora cu trahadornan tabata rumbo pa nan trabao, of muchanan ta rumbo pa school.Awacero tabata cay, y algun caminda tabata slip bastante. Na altura di Meiveld tabatin un accidente chikito. Algun kilometer mas leu, tabatin un accidente tambe. Esaki riba Avenida Watty Vos, net dilanti Texas Furniture Store. A bin resulta, cu un Ford Explorer color beige cu number A-41745 tabata bin for di pabao riba caminda dilanti Codemsa, y aki a bira pa bay Aeropuerto.
Pero ora d ibira, e vehiculo a cuminza slip masha mahos mes. El a bay ariba, subi e isleta, baha bek, sigui bay den scual, y e momentum a hibe banda pariba di caminda.Bon mes cu no tabatin trafico ta bin rumbo panort e ora ey.
E vehiculo a keda den scual, y bay dal duro riba e barancanan cu tin pa proteha e parkinglot di Texas Furniture Store.
Aunke e vehiculo a sufri algun daño na e parti patras y tambe un magreem costoso a keda destrui, ningun hende a resulta herida.
