Ganador di Minimega a meld su mes telefonicamente
Ta trata di un persona local…
ORANJESTAD(AAN):– Informacion cu nos a haya ta mustra cu e ganador di lotto a yama meld su mes na oficina di lotto na Dakota. Despues cu tabata tin un cantidad di comentario rond di e premio di Mini Mega, awor si e ganador tey. Contrario na un grupo di hendenan cabez bashi cu a cuminsa saca informacion falso rond di e ganador y su nacionalidad, awe nos mester decepciona nan pasobra e ganador ta un persona di Aruba mes. Esey e mes a confirma ora cu el a yama.
El a enfatiza bisando cu ami ta di Aruba.
Desde cu el a cumpra e lotto e no a mira su ticket. Ni maske tabata tin un cantidad di anuncio rond encuanto ganador etc cu ainda no a presenta pa cobra, tog no tabata suficiente pa e ganador di lotto aki bai mira su ticket.
Finalmente diabierna el a tira un bista riba su ticket y ta resulta cu el a gana e premio grandi di casi 2.5 miyon florin.
Si ta bon dialuna e lo presenta na lotto cu e ticket pa cobra su placa. Asina mes e tabata tin suficiente tempo pa presenta. E tabata tin desde cu e premio a sali 90 dia pa cobra su premio.
Despues di un siman e ta na tempo suficiente ainda pa cobra loke cu el a gana.
Cu e yamada diabierna ta suficiente pa elimina tur rumor falso y decepciona esnan cu tabata circula informacion falso cu ta un Haitiano a gana e premio y despues cu e ganador a perde su ticket.
sannuicolas
wel wel awor ta parse ku ta un haitiano mes a dunele pa kambiele pe, tene mi update plssss , of esaki ta rumor nan ?