Home General Gobierno Studiando Pa Baha Costonan Di Produccion Di Awa Y Coriente...

Gobierno Studiando Pa Baha Costonan Di Produccion Di Awa Y Coriente Mas Ainda

0
0
SHARE
- Advertisement -

ORANJESTAD (AAN) – Minister Mike de Meza a bisa, den rueda di prensa ayera, cu gobierno ta den pleno ehecucion di estudionan cu Utilities, WEB y Elmar pa wak con mas nan por baha e gastonan di awa y coriente.

Minister de Meza a agrega cu gobierno ta haciendo diferente estudio manera un auditoria detaya, un auditoria operacional y un auditoria di calculacion di costo di produccion, pa asina bay mira con mas y con sigur, mester bay traha pa baha costo di awa y electricidad pa nos poblacion, tanten cu e companianan por mantene nan operacion na un manera responsable y efectivo.

“ Den esaki tambe nos a bisa cu como gobierno, nos no ta bay cobra dividendo di WEB y ELMAR cu ‘Utilities’, pasobra nos ta convenci cu esaki mester refleha bek den e prijs di awa y luz, cu na momento cu gobierno no cobra esaki ta worde hinca bek den e prijs di awa cu electricidad y di e manera aki bahe”, e titular a indica.

Gobierno anterior a cobra, entre 2001 y 2007, na impuesto riba ganashi y na dividend uitkering, y automaticamente na dividend belasting tambe, mas cu 220 miyon florin. Esaki e gobierno no a uza pa duna e clientenan di ELMAR cu WEB bek, pero pa cubri su gastonan coriente. Segun e mandatario esaki ta manera un impuesto cu gobierno di AVP no ta kere den dje.

“ Pasobra si nan a pasa tur e placa aki pa pueblo bek, nan por a duna na cada cas, un average di mil florin pa seis of siete aña largo, of por a uza e placa aki pa construi un parke di molina completamente nobo, cu lo a sali pa hopi menos placa, y por a dobla e capacidad di energia cu casi 20% di e consumo di Aruba”, segun e mandatario.

El a reitera cu gobierno ta prefera pa e dividendo bay bek na e consumidor, tumando na cuenta cu gobierno e tin tur intencion di aumenta e consumo via energia alternativo y aumenta 20%  di e energia cu Aruba ta genera aworaki, via e molinanan di biento y purba yega na 40%.

- Advertisement -

DUNA COMENTARIO

Please enter your comment!
Please enter your name here