Home General Gruponan Social Tin Di Bira Mas Pro-Activo Pa Gara E Problema Di...

Gruponan Social Tin Di Bira Mas Pro-Activo Pa Gara E Problema Di Alcohol

1
0
SHARE
- Advertisement -

Minister Dowers preocupa!

ORANJESTAD (AAN): Minister di Husticia mr.drs.Arthur Dowers a duna muestra di su preocupacion pa e consumo halto di alcohol cu tin bou nos hobennan. E ta haya cu ta masha necesario pa gruponan social bira mas pro-activo.

   Mester tuma e toro na su cacho y cuminsa lihe na formacion di nos hobennan. E problemanan cu tin bou di e hobennan ta grandi y alarmante. Minister ta di opinion cu cerca un mucha cu ta lanta sin of poco structura – p.e. mama of tata ta un drogadicto – cosnan facilmente por bay robes.

   Den casonan asina e consenshi di e hobennan aki no ta desaroya cu tur e consecuencianan negativo cu esaki ta trece cune. Gruponan social mester detecta e problemanan aki di tempran pa evita cosnan bay for di man. Durante su bishita na KIA Minister a spanta di mira asina hopi hoben sera eyden. Y manera tur hende sa, prison no ta pa hobennan.

   E ta simplemente un caminda na unda e.o. gangnan ta worde forma y hobennan por worde mal influencia door di otronan eyden pa bay den caminda di criminalidad. Ta pesey mes nos, henter e comunidad –  mester cuminsa na forma y educa nos hobennan. E leerplicht dentro di masha poco lo drenta na vigor y cu esaki un paso grandi ta worde tuma pa obliga e hubentud cu no ta bayendo school pa haci esaki y di e forma ey haya un educacion.

   Otro punto cu Minister a trece dilanti ta cu pronto lo inicia cu e proyecto di militaire dienst pa hobennan problematico. E hobennan e ora lo haya e oportunidad pa drenta servicio militar y asina haya un formacion disciplinario excelente pa despues tin espectativa di haya un trabao. E plan aki na unda 100 hoben problematico por drenta servicio militar ta den full preparacion y lo worde completamente divulga dentro di poco.

- Advertisement -

DUNA COMENTARIO

Please enter your comment!
Please enter your name here