Home General Invasion Di Lionfish A Cuminza Preocupa Curacao Y Bonaire

Invasion Di Lionfish A Cuminza Preocupa Curacao Y Bonaire

1
0
SHARE
- Advertisement -

watamula_1ORANJESTAD (AAN): Desde e prome dia cu a mira esaki na Curacao na Watamula, dia 27 di October 2009, e cantidad di Lionfish cu a worde haya na e isla a yega na 25 caba.  E prome informe tabata di pisca chikito di como 2 duim.  Pero awor, como dos luna despues, hendenan a cuminza mira e piscanan aki di 6 duim.  Pues nan ta creciendo rapidamente.

   Nan a haya nan den area di Watamula bay te na Jan Thiel na parti pariba di e isla di Curacao.  E prome Lionfish cu a worde raporta na Bonaire a drenta dia 26 di October, y te cu awor como 60 a worde raporta.

   Na Bonaire, ya caba National Marine Park ta trahando cu negoshinan di Scuba Diving, pa responde riba e menaza di Lionfish.  Na Curacao, Departamento di LVV, Carmabi y Reef Care Curacao recientemente a reuni pa uni forza pa combati e Pisca stranhero aki, cu ta conoci di por destrui como 80% di pisca chikito cu ta biba na rifnan.

   Lionfish no tin ningun enemigo natural, pues nan ta hasta resistente contra malesa, y cu piscanan normal cu no ta reconoce como un enemigo, nan por crea desastre na e sistema fragil di rif den e area, si acaso hende no haci algo pa stop esey.

   Lionfish a yega pa keda!  No tin ningun forma pa eradica nan di laman aki.  Nan ta biba te na profundidad di 500 pia, y si hasta bo por a mata cada uno di nan te na e profundidad ey, esnan nobo lo sigui bin cu coriente di oceano.  Kico por worde haci e ora ey?

   Tanto Bonaire y Curacao ta den e posicion unico pa controla e Lionfish aki te na cierto nivel.  Tur dos isla ta chikito, rondona pa un zona fini di rif, y bishita pa cantidad grandi di scuba diver.  Hopi area di scuba ta worde bishita asina hopi, cu nan por mira un Lionfish mesora den e area.  Un esfuerzo conhunto cu e companianan di Scuba Diving y comunidad di Divers, por yuda mantene zonanan asina limpi di Lionfish.

   Tur hende mester ta convenci cu mata e invadornan aki ta necesario, y no worry cu nan ta un pisca bunita.  Humanonan sa cu nan por eradica pisca manera grouper cu ta mas dificil pa captura cu Lionfish.  Pues ban usa e habilidad aki pa un biaha yuda e sistema di rif.

   Tur esnan cu ta scuba dive, ta ser pidi pa bay cu un tape visible pa marca un lugar unda nan topa cu Lionfish, y despues yama un compania di scuba diving pa raporta e lugar, pa asina nan bin y capture.

   Tur Lionfish cu worde captura of mata, tin di worde poni den saconan aparte di Ziploc, y skirbi riba nan e profundidad y localidad.

- Advertisement -

DUNA COMENTARIO

Please enter your comment!
Please enter your name here