Minister Arthur Dowers di bishita na departamento di Reclassering
ORANJESTAD (AAN); Informe di Hulanda ta indica cu Minister mr.drs.Arthur Dowers siman pasa a biaha pa Hulanda acompaña pa su consehero señora drs.Carmen Tromp.
E bishita di Minister na Hulanda ta pa entre otro orienta su mes y pone su mes na altura di e ultimo desaroyonan y cambionan riba tereno di husticia. Den cuadro di esaki Minister Dowers a haci un bishita na e departamento di Reclassering na Den Haag.
Durante e bishita aki Minister Dowers a haya un splicacion extenso di e reorganizacion den e departamento aki.
Minister Dowers a worde informa tambe di e cambionan den e Codigo Penal Hulandes cu ta tumando lugar na e momentonan aki. Un di e cambionan aki ta cu a bin cu mas posibilidadnan pa impone castigonan alternativo enbes di manda hende prison.
Tambe Minister Dowers a haya splicacion tocante e uso di e enkelband cu ta worde aplica pa cierto grupo di hobennan cu a haya nan mes den problema cu husticia.
Minister Plenipotenciario na Hulanda sr. Edwin Abath tambe a compania Minister Dowers durante e bishita aki.
