Minister Winklaar a topa cu Minister Ronald Plasterk na Hulanda
A delibera riba formanan di cooperacion entre Den Haag y Oranjestad
ORANJESTAD (AAN): Durante su bishita na Hulanda, Minister di Asuntonan Economico, Asuntonan Social y di Cultura, esta Minister Michelle Winklaar, a haci un bishita di cortesia na su colega di Hulanda, esta Minister Ronald Plasterk, encarga cu Enseñansa, Cultura y Ciencia.
Durante e encuentro a elabora riba cuido di monumento, futuro cooperacion riba e tereno aki, drechamento di dos watertoren y tambe di un bishita special di su top-conseheronan pa Aruba. Tambe a toca e tema di e futuro di “Koninkrijkspelen” cu otro aña lo toca turno pa tuma lugar na Corsou. Tabata un reunion masha ameno, den un esfera hopi positivo.
Minister Ronald Plasterk tin como costumber cu e mes ta saca un potret cu un camara “antiek” di tur hende cu bishita su oficina y e ta colga e negatief na su bentana, asina e tin un coleccion masha apart y unico di tur su reunion y encuentronan den su oficina.
Ta spera bishita di Minister Ronald Plasterk na Aruba den un futuro cercano. Potretnan pa cortesia di Nico van der Ven.
