Home General No tabata tin sentencia di Huez den caso di Marisol vs. DIARIO...

No tabata tin sentencia di Huez den caso di Marisol vs. DIARIO y Jossy Mansur

1
0
SHARE
- Advertisement -

marisol_jossy_1Ta un sugerencia el a haci y e dos bandanan a acepta…
ORANJESTAD(AAN): Hopi hende no a compronde bon loke a pasa den Corte di Justicia na Aruba ora cu e tratamento di e caso cu Marisol a lanta contra DIARIO y Jossy Mansur a tuma lugar. Ningun hende a gana o perde den e caso, sino cu simplemente a acepta e sugerencia di Huez pa bin cu un sorto di coreccion, especialmente pa loke ta trata e caso di Cero Colorado. Jossy Mansur no tin ningun problema cu e texto cu Huez a formula, pasobra despues di Dialuna no tin ningun limite pa publicacionnan adicional, loke ta permiti DIARIO publica loke e ta considera pertinente.
E Director di DIARIO a compromete su mes di haci e publicacion di e cabez riba front page di DIARIO di acuerdo cu e texto cu Huez a traha. E no ta bay bin acompaña pa ningun articulo! Ta djis e cabez ta bay sali, nada mas. Y ta e Huez a traha e texto, no DIARIO.
Tocante e peticion o sugerencia di e parti contrario pa Huez prohibi DIARIO di publica otro articulonan riba Marisol, Jossy Mansur a recorda cu e tin un sentencia dicta pa Hogeraad di Hulanda den cual ta para claramente cu ningun Huez por prohibi di antemano cualke articulo cu un medio di comunicacion por o lo skirbi.
Además, Jossy Mansur a acepta pa no pone ningun comentario acerca den e edicion di DIALUNA, ora cu e texto prepara pa e Huez sali. Di DIAMARS padilanti otro gay ta bay canta y DIARIO ta bay sigui cu su mesun linea critico, incluyendo Marisol, y loke DIARIO ta considera e actonan di corupcion (manera defini den Ley) comproba pa documentonan incuestionable. Di cu por bin hopi mas publicacion al respecto ta algo sigur, pasobra no ta posible drey rond di un definicion legal y generalmente acepta na mayoria di pais na mundo, di loke ta cay bao e concepto “corupcion”!
Mester tene bon na cuenta cu e libertad di expresion y e libertad di prensa ta fundamental pa e bon funcionamento di cualke democracia, pasobra tur otro libertad ta liga directamente na nan.

- Advertisement -

DUNA COMENTARIO

Please enter your comment!
Please enter your name here