Archivo di Januari, 2010
ORANJESTAD (AAN)— Diario Deportivo tabata presente na veld di baseball di Noord Cura Cabai na unda cu den e continuacion di e programa di Deporte Escolar di IDEFRE den Softball Mucha muher, a tuma lugar e di dos fecha di encuentro di scolnan basico di pariba di brug. St. Paulus School a topa e biaha aki contra di alumnonan di Commandeur Pieter Boer School, y por bisa cu e wega aki tabata basta preta pa ambos equipo for di inicio di e wega. Nos ta spera di por haya for di IDEFRE e resultadonan oficial pa asina nos por ofrece nos lesadornan esaki.
ORANJESTAD (AAN): Awemadruga, cuerpo di Hurado a saca e lista di e finalistanan cu Diasabra anochi lo subi escenario den Joe Laveist Sportpark pa competi pa e final di Calypso & Roadmarch Contest. Aki DIARIO ta suministra e cifra final di e huradonan tambe den e pre-final aki. Tur cifra ta bay desaparece, y Diasabra lo cuminza bek na cero punto pa tur cantante atrobe.
SECUENCIA: Esaki ta e secuencia pa Diasabra anochi, despues cu a tira lot: (1) Papito and Biba Lekker Band. (2) BMW Band. (3) NBO. (4) Tsunami. (5) The Failures. (6) On Cue. (7) OREO. (8) Youth Xtreme. (9) Zeta Band. (10) Prive. (11) The Creators. (12) Le Groove Band. (13) Impak.
FINALISTANAN
PA CALYPSO:
—The Creators
“They say that I old”
by: Mighty Whity. (Punto final: 1975)
ORANJESTAD (AAN): Recientemente, Aruba ta haciendo un propaganda alternativo pa promove Aruba na New York. Desde 15 di Januari como 300 Taxi na New York ta traficando den e cayanan di New York cu un display cu propaganda di Aruba riba dak di nan auto. E propaganda aki ta mustra un hopi fantástico, cu un potret caminda Aruba ta resalta. E campaña aki lo continua te dia 14 di Februari 2010. Desde cu e campaña a cuminsa Aruba Tourism Authority, na New York ta ricibiendo hopi bon reaccion.
ORANJESTAD (AAN): Diferente accidente a keda registra Diahuebs mainta na Aruba, ora cu trahadornan tabata rumbo pa nan trabao, of muchanan ta rumbo pa school.Awacero tabata cay, y algun caminda tabata slip bastante. Na altura di Meiveld tabatin un accidente chikito. Algun kilometer mas leu, tabatin un accidente tambe. Esaki riba Avenida Watty Vos, net dilanti Texas Furniture Store. A bin resulta, cu un Ford Explorer color beige cu number A-41745 tabata bin for di pabao riba caminda dilanti Codemsa, y aki a bira pa bay Aeropuerto.
ORANJESTAD (AAN); Informe di Hulanda ta indica cu Minister mr.drs.Arthur Dowers siman pasa a biaha pa Hulanda acompaña pa su consehero señora drs.Carmen Tromp.
E bishita di Minister na Hulanda ta pa entre otro orienta su mes y pone su mes na altura di e ultimo desaroyonan y cambionan riba tereno di husticia. Den cuadro di esaki Minister Dowers a haci un bishita na e departamento di Reclassering na Den Haag.
Mayoria ta famia Croes di MEP cu e gobierno nobo nunca a mira na trabao
ORANJESTAD(AAN): Tin caranan conoci den MEP y famia Croes cu desde resultado di eleccion nunca e gobierno nobo a mira nan na trabao. E mesun grupo aki nos no sa si tempo cu MEP tabata na mando nan tabata presenta na trabao. Pa colmo e grupo aki ta den un schaal basta halto cu 25% di toelage tambe. Gobierno a haya un caha hopi bashi. Pesey mes ta imposibel pa tene hende na trabao cu no ta presenta mes. Varios di esnan cu a haya carta di retiro inmediato ta netamente esnan famia directo di ex minister di husticia Rudy Croes.
A delibera riba formanan di cooperacion entre Den Haag y Oranjestad
ORANJESTAD (AAN): Durante su bishita na Hulanda, Minister di Asuntonan Economico, Asuntonan Social y di Cultura, esta Minister Michelle Winklaar, a haci un bishita di cortesia na su colega di Hulanda, esta Minister Ronald Plasterk, encarga cu Enseñansa, Cultura y Ciencia.
Durante e encuentro a elabora riba cuido di monumento, futuro cooperacion riba e tereno aki, drechamento di dos watertoren y tambe di un bishita special di su top-conseheronan pa Aruba.
ORANJESTAD (AAN): Un tristeza enorme a azota mundo musical local riba Diahuebs atardi, ora cu a bira conoci cu un ex-integrante di LeGroove a fayece.
E hoben Shaun Eustace, mihor conoci como “Money Shark” kende aña pasa a forma parti di e agrupacion musical, a fayece Diahuebs debi na un paro cardiaco.
Pasaheronan abordo di Copa Airlines…
Acto di Polis ta hustifica of no?
ORANJESTAD (AAN): Loke a pasa Dialuna 18 di Januari 2010 abordo di e vuelo di Copa Airlines cu a sali for di Aruba, a laga pasaheronan furioso, hopi disgusta, y keto bay rabia! DIARIO a tuma nota riba Internet, cu e vuelo di Copa Airlines for di Aruba pa Panama, tabata precisamente na ora! Nan a worde aborda na tempo, y tur hende a sinta den stul cu nan seatbelt bisti. E avion a worde hala for di gate, y asina e piloto di e avion a cuminza taxi bay na comienzo di pista, pa asina haya autorizacion di ATC di Curacao pa lanta vuelo.
ORANJESTAD (AAN): Awor hasta un V-auto ta comete hit & run! Diahuebs mainta a drenta informe di un accidente na e cruzada di luz di trafico na Yrausquin Boulevard y Cuquisastraat, banda di edificio di Fatum. Esey a pone cu mesora Polis a worde manda na e lugar. Na yegada di e patruya a bin constata cu aki ta trata cu un V-auto a bay tuma un chance y no a duna preferencia na un auto cu tabata biniendo di e turbo rotonde y bayendo pa Sasaki.
ORANJESTAD(AAN)—E segunda buelta di e campenato 2009/2010 a start Sali siman pasa, y diabierna awor e Orguyonan di Noord, Bubali S.C. ta Sali contra e Amarillonan di Dakota den un wega di “quema ropa.” Bubali a sera e promer buelta cu 14 punto na di cuarto lugar, y mester Sali piki e tres punto nan aki pa keda serca di e punteronan. E wega ta programa pa cuminsa pa 8 or di anochi, y Bubali lo ta hungando na cas, esta Compleho Deportivo Frans Figaroa. Un petishon a bai na AVB pa e receta di e wega aki bai como donashon na Cruz Corra pa asina Bubali y Dakota tambe por duna un contribushon na e noble causa pa yuda Haiti.
ORANJESTAD (AAN): Despues di diesun dia intensivo di yudanza, e seccion di Marinier Hulandes a stop cu nan trabao na Haiti. Ta conoci cu e isla di Haiti a worde azota dia 12 di Januari door di un temblor pisa cu un magnitud di 7.0 riba scala di Richter. E epicentro tabata na 25 kilometer di Port-au-Prince. Segun calculo, mas di 150.000 hende a fayece den e desastre, y parti grandi di e infrastructura a worde destrui. NOODHULPDETACHEMENT: Un poco despues di e tragedia, Ministerio di Defensa a manda nan barco Hr.Ms. Pelikaan pa Haiti.
Carta a sali pa tur cu ta wardando pago…
Gobierno a haya un caha hopi bashi cu tur consecuencia…
ORANJESTAD(AAN): Informacion cu DIARIO a haya ta bisa cu dunadornan di servicio lo no haya nan pago 100% e luna aki. E situacion financiero di gobierno ta hopi caotico y departamento di finanzas no ta los placa. E dunadornan di servicio a base di un carta a ser notifica cu nan lo cobra 65% so di nan placa. December caba nan a cobra 75% di nan salario y January a haya e otro 25%. Awor fin di January ora cu a kere cu e placa a pasa a resulta cu ta 65% di e placa so a ser traspasa.
Suma di 30.000 Florin…
ORANJESTAD (AAN): Diaranzon e oficialnan di LandsRecherche a bay pa detene un empleada di Ministerio Publico como sospechoso di malversacion di placanan di boet. Tabata dia 27 di januari ultimo un trahador di parket di Ministerio Publico a worde deteni riba sospecho di desfalco na pia di trabao. E fiscal encarga cu e caso a pone e investigacion, despues di consulta cu Procurador General, den man di LandsRecherche.
ORANJESTAD (AAN)— Diario Deportivo tabata presente na veld di baseball di Noord Cura Cabai na unda cu den e continuacion di e programa di Deporte Escolar di IDEFRE den Softball Mucha muher, a tuma lugar e di dos fecha di encuentro di scolnan basico di pariba di brug. St. Paulus School a topa e biaha aki contra di alumnonan di Commandeur Pieter Boer School, y por bisa cu e wega aki tabata basta preta pa ambos equipo for di inicio di e wega. Nos ta spera di por haya for di IDEFRE e resultadonan oficial pa asina nos por ofrece nos lesadornan esaki.
Awe 29/01/’10 a haci un aña mas di su lekker leven Nathienne Croes amortje bo ta haya hopi pabien di bo iha Selina Ras ku stima bo masha hopi mes i di Suyenne i Georrich Ras.. Dushi mi ta spera ku bo goza di bo dia aunke ku nos ta lew di otro pero bo ta den nos pensamento happy b-day amortje!!! Di parti: Suyenne & Selina & Georrich Ras Nos stima bo hopi Dios bendiciona bo amor
