Archivo di January, 2010
Bon dia digno pueblo di Aruba. Mi nomber ta Diesila Denau, un Haitiana residencia na Aruba pa mas di 47 aña. Awe conhuntamente cu mi compatriota nan nos kier gradici e pueblo di Aruba pa tur locual nan ta haciendo pa nos pais y pa nos rumannan Haitiano. Nos sa cu Aruba tambe ta pasando den momentonan economicamente dificil, pero ora nos mira con un pueblo por pone tur su preocupacion un banda pa tuma un causa asina noble como sifuera ta nan mama, tata of ruman ta pasando den e problema aki.
ORANJESTAD (AAN): Diabierna ta bay tin diferente caso penal den corte un biaha mas.
E prome caso ta un caso den cual E.E.Q. ta worde acusa di a intencionalmente priva un persona y/of e dos yiunan di e persona ey di nan libertad riba prome di Augustus 2009, door di cera nan den un cas. Tambe e ta worde acusa di a menaza e persona en cuestion y/of un otro persona cu un crimen contra nan bida riba 5 di Augustus 2009, door di mustra nan cu man cu e lo tira nan mata.
ORANJESTAD (AAN) — For di diabierna caba algun di e organización nan deportivo a cuminsa cu nan actividad nan deportivo enconecion cu Dia di Betico. Diabierna DIARIO Deportivo a bai cubri e wega di campeonato di futbol division honor cu a continua entre e muchanan di Estrella contra di Sportboys cu a termina 3-2 pa Estrella. Diasabra caba algun di e actividad nan pa Dia di Betico a cuminsa manera entre otro baseball na Centro di Bario Noord, demostración di Tango Soo Do, careda di mountain bike y torneo di softball na Flatstone Ball Park.
Polis a constata cu e ta biba den un situacion inhumano tambe
ORANJESTAD (AAN): Gracias pa un of mas persona atento, marduga pa ser exacto 5’or y 30 di mainta a nota na altura di e Grot di Lourdes, tabata tin un homber drumi riba caminda. Centralista di central di polis, mesora a notifica patruya San Nicolas pa bay averigua un que otro. Patruya den un fraccion a presenta y polis enberdad a localiza un homber cu gracias nada no a sosode cune. Ta trata di un homber inicialnan J.P naci na Guyana y e tin 91 aña y e ta biba na Seroe Preto. E homber di edad respeta cu su “Looprek” ta splica polis, cu e ta na caminda pa AZV.
ORANJESTAD (AAN): A tuma lugar un caso no comun ora un homber tabata reclama su placa y su doño trabao a reacciona rabia furioso y a morde denunciante na su barica. E version a inicia riba diamars ultimo pa cual tambe e homber inicialnan OBP naci na Colombia di 35 aña a presenta na warda di polis Oranjestad pa 4’ or di atardi. Segun OBP na polis el a pasa warda pa pone nan altura di lo siguiente. E homber OBP a sigui splica polis cu su doño trabao a maltrate y riba dje a morde na su barica.
ORANJESTAD (AAN): Diaranzon anochi a drenta informe di un accidente cu hende herida na e subida di Ponton.
Na yegada di e patruya ya caba nan a haya ambulans na e sitio y cu e victima cla pa bay cune pa hospital.
Investigacion haci na e sitio a indica cu e chofer di e auto a bay dal un “U-turn” pero diripiente el a tende un sonido di impacto.
ORANJESTAD (AAN): Diamars atardi a drenta informe di cu na un cas na Rooi Prikichi, desconocidonan a los algun tiro riba e cas. Mesora a dirigi un patruya na e lugar. Na yegada di e patruya nan a bin constata cu desconocidonan a los mas di 3 tiro riba un cas y despues a desaparece den e mondinan banda di e rooi.
Polis hunto cu helicopter a rondia den e vecindario pero no a logra mira e sospechosonan. Hecho ta si cu nan a los tiro cu a bay dal riba e dak y tambe un plaachi di zink cu tin bao di un afdak.
Greg Peterson a expresa:
ORANJESTAD (AAN): Durante un entrevista cu Greg Peterson, di Cruz Cora el a repasa e resultado di e radio-telethon pa yuda e victimanan di Haiti y e pasonan siguiente. El a splica cu nan a haya un peticion special di parti di minister presidente y mester tuma esey den consideracion. Hulanda a habri un cuenta special pa Cruz Cora Aruba ya cu e exigencia ta cu kier total transparencia cu e placa aki cu a ser recauda. Tin un promesa cu tur e placa aki ta bay Haiti.
Segun Jerry Franca di ASU:
ORANJESTAD (AAN): Den un entrevista cu Jerry Franca presidente di Aruba Sport Unie DIARIO a combersa cune riba e preparacion pa Calypso y Roadmarch Contest e weekend aki.Aña pasa pa motibo di seguridad a usa otro lugar. Diabierna awor e instancianan concerni lo bay mira e situacion pa asina diasabra e Calypso y Roadmarch Contest por tuma lugar. Jerry Franca presidente di ASU encarga cu e maneho di Joe Laveist a splica unda nan ta awe. El a bisa cu nan ta bezig na e momento aki cu e luznan. Nan ta bay usa e tower lights, esunnan cu ta ser usa den construccion. Un cantidad caba a ser solicita.
Libertad di Expresion atropeya na Venezuela debi na decision di Chavez
Arubianonan ta birando solidario cu nos rumannan venezolano!
ORANJESTAD (AAN): Por sinti hopi indignacion cerca hopi di e venezolanonan na Venezuela debi na e prohibicion pa transmiti via cable di parti di e gobierno na RCTV y otro canalnan di television. Manera ta conoci e presidente di Venezuela a ordena pa censura un biaha mas e medionan di comunicacion na nos pais bisiña cu no kier pasa su discursonan populista.
ORANJESTAD (AAN): Colega Jan Poets di e pagina di Den Ambiente y cu su programanan di tanto Poets TV y Prime Time na Telearuba como Poets Show na Real Fm, ta na Curaçao henter e siman aki pa realiza reportahenan di e bandanan musical y participantenan pa e celebracion di e 40 edishon di Festival di Tumba Curacao. Dialuna Jan Poets a graba e presentacion di Tsunami, kendenan tabata tin e honor pa habri y alavez bautisa e escenario electrificante cu a conoce un otro parti spectacular rond di e fiesta tradicional pa 40 aña di Festival di Tumba Curacao.
Sea P&O of Finanza ta haci wega cu pago di warda!
ORANJESTAD (AAN) — Nos redaccion a entrevista presidente di Sindicato di Polis (SPA), señor Guilfred Beseril, tocante e carta cu e sindicato a manda, diabierna, na Minister di Husticia, tocante cierto aspectonan cu ainda no a worde regla pa KPA. \residente di SPA a menciona cu diabierna cu a pasa, nan a dirigi un carta na Minister di Husticia, cual a sali for di oficina di abogado di e sindicato. Esaki relaciona cu un pago cu e polisnan no a ricibi pa nan trahamento di warda, y cu ta pendiente pa hopi tempo caba, y cu SPA a wanta hopi pasenshi cu e situacion aki.
Invita pa presidente di KLM sr. Hartman:
Dialuna 1 di Februari, KLM back na Aruba!
ORANJESTAD (AAN) — Minister Presidente mr. Mike Eman, a viaha ayera pa Hulanda y den entrevista cu DIARIO, el a duna nos informacion tocante e meta di e viahe aki. Prome Minister a duna di conoce cu na momento cu Aruba a scoge pa un cambio, cosnan cu a bay robes den pasado, gobierno ta trahando cu diligencia pa coregi nan.
Heyzzz Beter laat dan nooit ayera 26 di jan Tanchii su princess a haci 2 aña kende ta Marly Maduro e ta haya pabien di su mom Lily y su dad Mark y tambe su ruman Zyon, di su wela nan Susy Y Maria welo nan Theo Y George tambe di Mama Nina , Papa Hubert di parti tio henry y darwin,,ompi shjon,, pepe marvel,, neny y su padrino Nando Brown,, Y dimezz di su tanchii cu stime un mundo Giani <3 Famia Maduro,Rodgers,Falconi,Jansen,Roos 
Sin Laga afoo Di Impak Band completoo
