Home Policial Polis Den Accion Rapido Ta Gara Dos Asaltante Peligroso Den Playa

Polis Den Accion Rapido Ta Gara Dos Asaltante Peligroso Den Playa

5
4
SHARE
- Advertisement -

Victima di asalto a bay para te na hospital

Vicio Leonardo Lake (20) di St. Maarten y Jeffrey Doremy (22) di Haiti tras di trali

front_01front_02ORANJESTAD(AAN): Bingo!  Dos asaltante peligroso a ser gara Diamars den oranan di atardi, despues cu nan a caba di comete dos asalto!

   Polis si a dal un score grandi aki!

   E asaltantenan a resulta di ta Vicio Leonardo Lake, un hoben criminal naci na St. Maarten dia 15 di October 1989 (edad di 20 aña), y tambe Jeffrey Doremy naci na Haiti dia 11 di December 1987 (edad di 22 aña).

   Aunke nan a purba huy, tog polis a sa di actua rapidamente y rondona henter e area pa evita cu e di dos asaltante peligroso aki por a scapa.

   E prome asalto a tuma lugar net patras di edificio di Internet y Centrale di Setar NV den Hendrikstraat na Playa.  E asaltantenan aki a bay riba un dama inocente, y na un forma brutal, mahos, a ranca su tas violentamente.

   Mesun style cu loke a sosode e anochi prome den e area di un Lowrise Hotel na Eagle!

   Polis a dicidi na pone man na obra, y a cuminsa tira bista pa e asaltantenan. Na dado momento a drenta informacion di otro asalto y e biaha aki den Caya Rufo Wever, net pabao di Biblioteca Nacional na Playa.

   E reaccion di polis un biaha mas tabata rapido y e asaltantenan no a haya chance pa huy y bay leu.

   Cerca di Colegio Arubano mes, e prome detencion a cay. Cuerpo Policial a sigui haci uso di e momentum aki, pa sigui traha.  Asina Polisnan a yega for di tur distrito y asina nan a logra rondona e area di tal forma cu dificilmente cualkier persona por a scapa.

   Esey a duna su fruto pasobra den e area di Cas di Cultura a logra pone man riba e di dos asaltante.

   Tur dos a ser hiba Warda di Polis, unda Recherche di Oranjestad a cuminsa cu un investigacion.

   E victimanan tambe a bay Warda di Polis na Playa.  Ora cu Recherche tabata atendiendo cu un di e victimanan di e asalto violento aki na dado momento mester a pidi pa ambulance cu urgencia pasobra el a bira hopi malo.

   Ambulance a transporta e victima pa Servicio di Emergencia na Hospital pa e haya tratamento medico.

   Riba e fotonan aki Aruba por mira e dos asaltantenan.  Awor pueblo por ta trankil mientras cu e dos asaltantenan aki ta tras di trali. Esey ta danki tambe na e bon trabao di miembronan di cuerpo policial.

- Advertisement -

4 COMMENTS

  1. Manda e guys nan aki nan luga bek cu e prome vuelo despues cu nan caba di sinta nan castigo. Sorto di cos nan asina ta danja pa nos rubiano nan.

  2. Please no gasta aruba su placa di belasting pa kria sorto di cosnan asina den Kia. DEPORTANAN SIN PENSA DOS BIAHA

  3. Cu tur e trabao cu polis a hasi pa capturanan. Nan lo ta no time on the street back. Ley ta obliga hende tin biaha pa tume den nos mesun man. Castigo ta mucho abow akinan. Don’t be a mouse be a man, baha man pisa ribanan, planta respet riba e lugar aki, pa e otro criminal/ladronnan tambe spanta.

DUNA COMENTARIO

Please enter your comment!
Please enter your name here