Home General Posiblemente 2010 Lo Cera Cu Cierto Margen Di Inflacion

Posiblemente 2010 Lo Cera Cu Cierto Margen Di Inflacion

1
0
SHARE
- Advertisement -

Economista sr. Ben Marapin:

Pa fin di aña prijs di gasoline lo ta hopi halto mes!

ORANJESTAD (AAN) — Den entrevista cu DIARIO a tene cu e Economista sr. Ben Marapin, el a splica cu logicamente e reduccion di bbo lo yuda baha prijs y inflacion.

No obstante, e prijs di un producto no ta depende solamente di bbo, pero di diferente otro factor. Y otro factornan tin e tendencia di pone prijsnan subi.

“ Lo no sorprende mi cu apesar cu bbo a worde reduci cu 1.5%, kizas 2010 lo cera tog cu un inflacion, pero mi ta remarca si, cu si nan lo no a reduci bbo e inflacion pa e aña aki, lo tabata mas halto”, Economista Ben Marapin a señala.

E consumidor lo mira efecto positivo di reduccion di bbo, den e negoshinan cu no a hinca esaki den prijs di e productonan.

Señor Marapin a subraya cu no ta asina cu e comerciante ta baha e prijs cu 1.5%. Prijs di producto ta keda mescos, pero e consumidor ta paga menos na bbo, mescos ta conta pa gasoline, y tur esaki ta yuda.

“ Pero ta dificil pa controla y vigila ora cu bbo ta inclui den e prijs di producto. Loke si mi sa ta cu den e supermercadonan cu tine apart, si e consumidor ta wak e diferencia basta grandi.

“ Y na final bo por bisa tog cu e ta bay yuda pa prijs no lo subi hopi na 2010, y parti di esaki ta pasobra e bbo a worde reduci”, sr. Marapin a señala.

Ta opinion di sr. Marapin cu e uso di molina, segun e tin entendi di personanan envolvi den e proceso di decision pa cumpramento di esakinan, e ta un ekipo hopi bon y e prijs cu e molina ta produci coriente ta bastante aceptable y por compare cu un prijs di crudo hopi mas abao cu e ta actualmente.

“ Esey lo pone cu prijs di coriente lo no mester subi si nos tin suerte e aña aki, apesar cu prijs di crudo ta subiendo caba.

“ Pa loke ta produccion di awa, mi a compronde cu pronto nan ta bay cuminza cu otro sistema di genera awa dushi cu awa di lama, cu lo ta e reverse osmosis cu ta hopi mas barata tambe.

“ Asina lo por pone cu prijs di awa y coriente lo no subi of si subi ta un tiki so, apesar cu prijs di crudo ta sigui aumenta”, sr. Marapin a menciona.

Pero pa loke ta trata gasoline mes, sr. Marapin reitera, manera el a anticipa den un entrevista cu nos aña pasa, pa final di 2010 e lo ta sumamente halto.

“ Si lo no a kita bbo e lo a bira mucho mas halto y den un par di ora e lo subi atrobe, no debi na bbo sino pasobra mundialmente prijs di crudo ta subiendo” el a remarca. E Economista a indica cu esaki lo trece cune cu productonan comestible atrobe lo subi un poco.

- Advertisement -

DUNA COMENTARIO

Please enter your comment!
Please enter your name here