Propaganda di Aruba ta resaltando den tur e cayanan na New York
ORANJESTAD (AAN): Recientemente, Aruba ta haciendo un propaganda alternativo pa promove Aruba na New York. Desde 15 di Januari como 300 Taxi na New York ta traficando den e cayanan di New York cu un display cu propaganda di Aruba riba dak di nan auto. E propaganda aki ta mustra un hopi fantástico, cu un potret caminda Aruba ta resalta. E campaña aki lo continua te dia 14 di Februari 2010. Desde cu e campaña a cuminsa Aruba Tourism Authority, na New York ta ricibiendo hopi bon reaccion.
Aproximadamente 15 miyon persona addicional lo admire y e propaganda aki lo ta equivalente na 27 mil Dollar na valor di propaganda den medionan di publicacion. Aki por mira algún potret di e taxinan cu e display cu e propaganda di Aruba.
