Home General Proyecto “The Edgar Connor National Youth Steelpan Academy” lo cuminza

Proyecto “The Edgar Connor National Youth Steelpan Academy” lo cuminza

1
0
SHARE
- Advertisement -

ORANJESTAD (AAN): Caribbean University of Aruba su Intercultural Research Center ta anuncia e inicio di e proyecto “The Edgar Connor National Youth Steelpan Academy”. Como un esfuerzo di hustificacion pa rescata y restaura un di Aruba su herencianan cultural (cultural heritage) casi perdi y lubida, proximamente The Caribbean University of Aruba den estrecho cooperacion cu e rumannan Lee y Nico Connor y tambe Abigail Hazel , dia 18 di Januari 2010, lo cuminza e precioso proyecto: “The Edgar Connor National Youth Steelpan Academy”.

   E “Steelpan Academy” aparte di e meta pa rescata un di Aruba su tesoronan musical, lo sirbi tambe dos meta.

   E prome obhetivo ta pa contribui na e proceso di buskeda di identidad di hubentud di Aruba atraves di educacion musical sistematico y dedica.

   E di dos obhetivo ta pa honra e trabao y herencia musical di señor Edgar Connor (q.e.p.d.) un di Aruba su maestronan riba steel pan y un virtuoso artesano ariba e tereno aki.

   Cu e metanan menciona na bista e “Steelpan Academy” lo ta destina pa hubentud di Aruba entre e edad di 9 pa 25 aña. Den 3 grupo lo duna training na e hobennan esta di 9 pa 13 aña, di 14 pa 18 aña y e di tercer grupo di 19 pa 25 aña.

   E academia di “Steelpan” lo habri su portanan dia 1 di Maart 2010, mientras dia 18 di Januari 2010, lo tin apertura oficial den estilo Caribense na “The Heart of San Nicolas”, antes Santa Theresita Centre. E Steelpan Academy mes lo ta ubica den “The Heart of San Nicolas.”

   E proyecto aki ta un proyecto piloto di dos aña cu lo desemboca den un instituto autonomo permanente cu su propio directiva na comienzo di aña 2012. Na e momento ey tambe lo institui e “The Edgar Connor National Youth Steelpan Orchestra”, un orkesta formal di steelpan di entre 100 pa 150 hoben como simbolo nacional di steelpan na Aruba y internacional.

Danki na e patrocino generoso di parti di CEDE Aruba , e proximo dos simannan lo inicia un campaña grandi di promocion y di inscripcion pa e hubentud di Aruba.

- Advertisement -

DUNA COMENTARIO

Please enter your comment!
Please enter your name here