St. Paulus School a topa contra di Commandeur Pieter Boer den Softball Escolar
ORANJESTAD (AAN)— Diario Deportivo tabata presente na veld di baseball di Noord Cura Cabai na unda cu den e continuacion di e programa di Deporte Escolar di IDEFRE den Softball Mucha muher, a tuma lugar e di dos fecha di encuentro di scolnan basico di pariba di brug. St. Paulus School a topa e biaha aki contra di alumnonan di Commandeur Pieter Boer School, y por bisa cu e wega aki tabata basta preta pa ambos equipo for di inicio di e wega. Nos ta spera di por haya for di IDEFRE e resultadonan oficial pa asina nos por ofrece nos lesadornan esaki.
Ariba e imagennan por aprecia e momentonan cu e dos equiponan aki tabata enfrenta otro. Tambe nos kier a recorda na un y tur cu e weganan aki lo continua e dianan 2, 3 y 4 di Februari proximo, tur wega cuminsando for di 3’or di atardi y ariba e veldnan di Noord Cura Cabai y Aruba Jrs pa e scolnan basico pabao di brug.
