Home General Tur Pregunta Di Fraccion Di Avp A Haya Contesta Durante Tratamento Di...

Tur Pregunta Di Fraccion Di Avp A Haya Contesta Durante Tratamento Di Ley Di Bbo

0
0
SHARE
- Advertisement -

Mythomania y mala maña di Parlamentarionan di Partido MEP ta continua

ORANJESTAD (AAN): Ultimamente por a mira diferente reaccion di diferente parlamentarionan di partido Movimiento Electoral di Pueblo tocante e hecho cu BBO a worde reduci di 3% na 1.5%.

   E linja cora di tur e reaccionnan aki ta cu partido MEP no por asimila e hecho cu Partido di Pueblo Arubano AVP ta cumpliendo cu su palabra, esta cu campaña t’un cos y goberna t’e mesun cos. Partido MEP no ta compronde di con AVP ta haye importante pa cumpli cu su pueblo y ehecuta e mandato cu el a haya dia 25 di September 2009.

   Historia di e partido geel ta cu nan ta haci exactamente lo contrario na locual nan a campaña pe. Lider maximo di e partido geel te hasta a duna esaki un nomber esta; campaña t’un cos y goberna t’un otro cos. Pa AVP esaki obviamente ta diferente y Partido MEP y pueblo henter lo mira con esaki lo worde ehecuta durante e proximo 4 añanan. E rol di fraccion di AVP den esaki lo ta pa percura pa Gobierno sigui cumpli cu e palabra aki durante e proximo 4 añanan.

Aunke cu fraccion di AVP ta sostene Gobierno el a haci hopi pregunta tocante e reduccion di BBO. Hopi di e preguntanan aki ta relaciona cu e aspecto financiero di e reduccion di BBO. Motibo di e preguntanan aki ta cu Gabinete Oduber IV a laga un situacion financiero sumamente malo atras cu na 2009 a haci cu e deficit a yega te na mas o menos 200 miyon Florin. Es mas, e forma cu AVP a planea pa sera e cuadro financiero den su diferente presupuestonan alternativo prome cu el a drenta gobernacion, mester a worde cambia. Un di e motibonan di esaki ta e hecho cu MEP den gobernacion a nenga rotundamente di accepta e deal cu Valero a ofrece na varios ocasion y pa ultimo biaha na November 2008 unda cu e refineria lo contribui mas di 50 miyon Florin pa aña na caha di Gobierno y lo entrega e tax holiday cu e tabata tin na e momentonan ey. door di e hecho cu e oferta aki ya no ta riba mesa mas, Gabinete Mike Eman I mester a splica na Parlamento con e cuadro financiero lo worde sera awor cu e entrada di Valero no lo ta manera e tabata premira.

Esaki ta un otro aspecto cu Partido MEP den gobernacion no a conoce y dificilmente awor por compronde, esta cu mester duna cuenta na Parlamento. Durante gobernacion di Partido MEP, parlamento su unico rol tabata pa grita “vóór” cualkier proposicion di su gobierno sin importa ki consequencia esaki lo tin pa Pais y Pueblo. Fraccion di AVP den parlamento lo sigui cumpli cu su compromiso di ehecuta plan di partido presenta durante campaña y lo sigui vigila cu Gabinete Mike Eman I ta cumpli cu esaki den gobernacion.

- Advertisement -

DUNA COMENTARIO

Please enter your comment!
Please enter your name here