V-auto a comete hit & run na cruzada
ORANJESTAD (AAN): Awor hasta un V-auto ta comete hit & run! Diahuebs mainta a drenta informe di un accidente na e cruzada di luz di trafico na Yrausquin Boulevard y Cuquisastraat, banda di edificio di Fatum. Esey a pone cu mesora Polis a worde manda na e lugar. Na yegada di e patruya a bin constata cu aki ta trata cu un V-auto a bay tuma un chance y no a duna preferencia na un auto cu tabata biniendo di e turbo rotonde y bayendo pa Sasaki. Aki ta unda e V-auto a dal e vehiculo aki cu tabata ser conduci pa un dama cu afortunadamente no a resulta herida. Despues di e impacto e v-wagen a sigui core bay.
