Yiu di ex Minister haya cu arma ta liber caba
Asina huez comisario ta bringa crimen….
ORANJESTAD(AAN):– Un decepcion grandi ta loke polisnan y ministerio publico a keda cune mirando loke a sosode e siman cu a pasa. Lo ta bon pa huez comisario mes bin argumenta e motibonan cu a laga e yiu homber di ex minister Lee liber. Na Aruba cualkier huez comisario sa mucho bon riba e campañanan cu ta ser hiba e momentonan aki pa cu posesion di arma illegal.
Te hasta a duna oportunidad pa entrega arma.
Un ex polis unda a haya un arma illegal na su cas investigando un kiebro a keda deteni despues cu el a bolbe di Colombia. Den e caso aki no tin mucho diferencia. Na cas unda e yiu di Ramon ta biba tambe a haya un arma revolver caliber 38.
Segun version di e sospechoso e tabata tine warda pa un amigo. Despues di e detencion mesora fiscal a prolonga e detencion. Awor cu e ta sera y a presenta dilanti huez comisario el a ser laga den libertad.
Esaki ta netamente e huez comisarionan cu hopi biaha ta bin coy solo tres aña na Aruba y ta bolbe Hulanda cu henter famia lagando un caos atras den nos criminalidad. Ni pa respet ta tene esnan cu viola ley tras di trali.
Spera cu otronan cu ser deteni tambe core mesun suerte pasobra loke a sosode tin esnan di ministerio publico y polis basta rabia.
david
a bira momento pa castiga esunnan cu ta defende maldad,keremi, ta hopi tin.