Home Cultura “E Biahe misterioso di Jean”

“E Biahe misterioso di Jean”

1
0
SHARE
- Advertisement -

Unoca Ta Presenta E Obra Comico-Dramatico

ORANJESTAD (AAN):— Den e produccion teatral aki cu ta skirbi y dirigi pa mr. Dr. Den Heinze, varios personahe cu ta hopi conoci den nos mundo cultural ta actua manera nunca bisto. Entre otro Tica Giel como Ceciliah, un ser spiritual, Tony Green un personahe mahestuoso di otro mundo, Jossy Brokke, como un docter mundialmente famoso biahando mundo rond pa opera den diferente hospital, semper acompaña pa su dos asistente nan elegante. Asina tin mas personahe y grupo conoci cu poco, si no nunca, a demostra nan capacidad artistico den e forma di un drama teatral manera esaki.

“E biahe misterioso di Jean” cu ta un obra teatral, ta na prome lugar un drama pero cu hopi elemento di musica y alegria. E ta un storia di un hoben cu ta biba cu su mama.

Ora den un soño e ta experiencia un acto musical e ta sinti su mes inspira pa toca piano. Su mainta e ta celebra su hacimento di aña cu un sorpresa di su mama cu a invita un brass band pa bin toca na su cas.

 Pero e musicantenan no ta normal. Despues di a goza di nan presencia y musica, Jean ta haya bishita di su amiganan cu ta traha un fiesta completo cerca dje. Ora Jean ta bira seriamente malo y mester drenta hospital, un docter famoso ta purba di scapa su bida.

Su mama tur desespera ta sclama pa un ayudo. Un ser spiritual ta ricibi su alma y ta bay cune riba un biahe. Pero eynan ta topa cu peliger nan mahos. Cu un forza grandi nan por logra e biahe cu exito, pero no sin mas.

E presentacion di e obra aki lo ta Cas di Cultura diabierna 5 di maart 2010 pa 8’or di anochi y diadomingo 7 di maart pa 5’or di atardi. Carchi nan ta obtenible na porta.

- Advertisement -

DUNA COMENTARIO

Please enter your comment!
Please enter your name here