Home General “Loke nos a logra den cien dia ta hopi, pero tiki pa...

“Loke nos a logra den cien dia ta hopi, pero tiki pa loke aruba tin mester!”

0
0
SHARE
- Advertisement -

avpmikeemanPremier mr. Mike Eman:
ORANJESTAD (AAN) — Prome Minister mr. Mike Eman a expresa ayera den conferencia di prensa cu e ta hopi contento y orguyoso di tur su coleganan den e Gabinete, cu hunto nan por a yega na e puntonan cu el a menciona, den e prome cien dianan di gobernacion. “ Mi ta sumamente contento tambe cu nos pueblo a duna nos e confianza pa por yega e momento importante aki di e cambionan”, mr. Eman a señala.


El a gradici miembronan di prensa tambe, y el a bisa cu e trabao cu gobierno ta desplegando ta uno grandi y cu nan no por logra sin e cooperacion y union den nos pais.

“ Locual nos a haci ta hopi pa den cien dia, pero ta tiki pa locual Aruba tin mester. E situacionnan penoso, doloroso, e retonan grandi cu nos a topa cu nan, nos a cuminza atende cu nan, un pa un, na un forma sistematico cu un labor sumamente duro.

“ Mi por bisa boso cu e trabaonan aki y pafo di e edificio di gobierno, ta dianan hopi largo nos a pone den esfuerzo pa nos saca nos pais dilanti.

“ No tin diasabra, no tin diadomingo, no tin dia di fiesta, tur dia ta dia di trabao di e gabinete aki y a base di e empeño aki nos ta spera cu den cuatro aña, Aruba lo bay mira un transformacion grandisimo den tur aspecto:

 fisico y material pa e calidad di bida di nos hendenan ta atrobe na e nivel cu nos ta desea, y pa cual nos comunidad a duna nos e mandato dia 25 di September”, Prome Minister mr. Mike Eman a conclui.

- Advertisement -

DUNA COMENTARIO

Please enter your comment!
Please enter your name here