Home Cultura Alegria grandi ora Kiwanis Sonrisa Aktion Club a worde instala

Alegria grandi ora Kiwanis Sonrisa Aktion Club a worde instala

0
0
SHARE
- Advertisement -

E club di mas nobo den famia di Kiwanis…

sonrisa_Beaming Pres. Ana Maria making first use of the gongORANJESTAD (AAN): Kiwanis Club of Aruba a tuma e iniciativa pa cuminza cu un club nobo den e famia di Kiwanis riba e isla, y esaki a socede na sede di Sonrisa na Pavia.  E lo bira conoci awor como Kiwanis Sonrisa Aktion Club of Aruba.

   Kiwanis Aktion Club ta dirigi na adultonan cu limitacion.  E lema di e Aktion Club aki ta: “Unda desaroyo no tin limitacion”!

   Nan mision ta e.o. pa duna adultonan cu ta biba cu limitacion un oportunidad pa desaroya iniciativa y habilidadnan di lider.  Tambe pa sirbi nan comunidad.  Pa worde integra den sociedad.  Pa demostra e dignidad y balor di ciudadano bibando cu limitaicon.

   Oficialnan di Aktion Club lo maneha esaki riba nan mes, pues lo bay adkiri habilidadnan di planeo y liderato, y e team spirit necesario pa traha den un club asina.  Aktion Club a bira un programa oficial patrocina pa Kiwanis International dia 1 di October 2000.  Actualmente e ta un programa hopi exitoso y tin ya caba 425 club asina rond mundo. Den Caribe, Aruba a bira e di tercer, despues di Jamaica y Barbados.

   Sonrisa Aktion Club na Aruba tin aworaki 11 miembro, y e Charter President lo bira Ana Maria Tabares.   Directora di Sonrisa, esta Angelique Perez lo bira e consehero di e Club, y e miembronan di Kiwanis, esta Ilonka, Ruben, Newton, y Prakash a tuma riba nan mes pa guia y sostene e club den cada uno di nan actividad.

   E Club a haya su charter via e Gobernador di Kiwanis di distristo di Eastern Canada and Caribbean, esta Gary Levine.  El a worde asisti pa Lt. Governos di Kiwanis Caribbean division Bob Spellen, actual presidente di Kiwanis Club of Aruba Jan Noordzij, y Chairman di Club building project Prakash Gupta.

   Presente tabata tambe otro clubnan di Kiwanis, manera Palm Beach Club, Circle K di Universidad, Key Club di Colegio Arubano, Builders Club na Juliana School, y famia y mayornan di e miembronan di Aktion Club, hopi miembro di Kiwanis di Aruba y di exterior.

   Ministro di mr. Arthur Dowers a yama pa e movimento di Kiwanis traha cu otro instancianan hubenil di Aruba, pa asina e problemanan di e isla por worde resolvi mas rapido y efectivo.

- Advertisement -

DUNA COMENTARIO

Please enter your comment!
Please enter your name here