Arte Di Palabra Cla Atrobe Pa Competencianan
Un biaha mas cu Haiku…
ORANJESTAD (AAN): Arte di Palabra kier acerca tur hoben pa pone boso na altura di e competencia cu ta tene luga dia 12 di maart. Mescos cu aña pasa nos ta tene un competencia riba e siguiente categorianan: (*) Poesia original. (*) Cuenta cortico. (*) Haiku.
Cada school ta manda e participante cu ta competi den categoria di poesia
y den cuenta cortico.
Haiku ta e categoria cu ta worde escogi door di un cuerpo di hurado anteriormente y e anochi di competencia ta participa ken ta e ganador.
Tur obra di e studiante mester ta digital y ta keda na e maestro / maestra pa dicidi cua ta esunnan cu lo representa e school. Un studiante por participa cu un poesia/storia so. Pa Haiku por participa cu 5.
DIARIO a compronde cu e poesia-, storia- y haikunan cu ta competi ta na encargo di e docente pa manda nan via mail cu bo nomber edad, klas y school. no mas tarda cu dia prome di Maart.
E ganador lo bay curaçao pa competi contra Bonaire y Curaçao dia 27 di maart 2010.
Arte di palabra ta un competencia special pa tur hoben cu ta bay school secundario y no ta mas bieu cu 17 aña. Pa comeptencia di arte di palabra bira un exito nos mester di bo participacion.
Ban ta orguyoso di nos idioma materno y skirbi bo poesia, bo storia cortico y of bo Haiku, stimula bo creatividad y participa! Duna bo docente di papiamento na school bo obra y competi dia 12 di maart cu e otro schoolnan di Aruba.
