Home General Aruba a yega na un ‘settlement agreement’ cu Valero

Aruba a yega na un ‘settlement agreement’ cu Valero

1
2
SHARE
- Advertisement -

valeromike*En bez di haya 200 miyon, Aruba ta haya 210 miyon florin y un minimo di 10 miyon dollar tur aña
ORANJESTAD(AAN): Na bestuurskantoor tabata tin un conferencia di prensa relaciona cu asunto di refineria Valero. Esaki prome minister Mike Eman a considera un otro fase di progreso pa futuro di e refineria, den e esfuerzonan cu Gobierno ta hasi pa crea un clima y un ambiente cu ta habri e oportunidad pa un solucion pa futuro di e refineria. Dia 20 di Januari Gobierno a firma un Memorandum Of Understanding(MOU) cu a pone e base pa habri e bentana di oportunidad pa por yega na un solucion pa e continuacion di e refineria na Aruba.
E palabracionnan cu a wordo hasi den e MOU ta cu lo sigui un asina yama ‘settlement agreement’.
Eman a splica cu un MOU ta describi e areanan general pa cual partidonan a yega na un acuerdo y esaki mester wordo traduci den puntonan hopi mas specifico den un acuerdo. Pesey a palabra cu despues di e MOU lo bin un settlement agreement.

Eman pesey a anuncia cu Diamars a completa e ultimo parti di e negociacionnan cu tabata tin riba e MOU su ehecucion den un settlement agreement. Awor e settlement agreement tin cu bay Parlamento hunto cu un serie di ley cu mester wordo cambia, pa asina por ehecuta e settlement agreement aki.

E settlement agreement ta encera cu ta bin un cambio di ley caminda cu BBO pa export ta wordo elimina. E BBO riba export tabata un di e factornan cu a crea un incertidumbre pa Valero pa loke ta trata e regimen fiscal pa futuro di Aruba.

Factornan di disputa riba BBO algun aña pasa a causa cu un oportunidad pa a cera un acuerdo cu lo a nifica inversionnan grandi den e refineria cu lo a nifica continuacion di e refineria, e tempo ey no a wordo acepta y awor Gobierno ta purbando di ‘regresa’ e situacion ey cu e acuerdo cu a wordo firma.

E acuerdo ta crea un clima mas positivo cu ta duna Valero e oportunidad pa e mes busca e formulanan pa por yega na ‘restart’ e refineria, busca un partner, busca un cumprador, of yega na un ‘joint venture’.

Prome Minister a bisa cu ta bin un regimen fiscal nobo caminda cu Valero lo paga un winstbelasting di 7% pa aña. Den e agreement tin poni cu tur aña gana of perde, Valero tin cu paga un minimo di 10 miyon dollar na Aruba como winstbelasting.

Si Valero den transcurso di tempo bende e refineria, e winstbelasting minimo aki cu lo mester wordo paga ta bira 15 miyon dollar pa aña. Pa settle tur locual Aruba ta claim cu Valero debe nos, Aruba a settle finalmente pa e suma un tiki mas halto cu loke inicialmente a wordo poni den e MOU.

Aruba mester a haya 200 miyon, pero a yega na e acuerdo cu Aruba lo ricibi 210 miyon florin.
Ariba e reglanan di importacion pa Valero, a yega na un acuerdo cu Douane den un contexto mas legal.

- Advertisement -

2 COMMENTS

  1. Ojala cu Gobierno por usa sano huisio y cancela e deficiet cu pais Aruba tin actualmente, pa asina garantiza di nos calidad di bida.
    E placa cu pais Aruba lo ricibi for di Valero ta net su cos.
    Si laga interes di cada Minister cu nan respectivo ministerionan prevalese pa cu e alocacion di e placa aki sin atende e deficiet nacional cu prioridad, Aruba su pueblo lo sufri di un malestar economico y social cuminzando cu medidanan di austeridad manera aumento di edad di pensioen,freeze-mento do salario y devaluacion di nos moneda etc.
    Esaki ta pasando caba cu paisnan di Union Europeo esta: Grecia ,Portugal, Irlanda y Espanja.

  2. Den tur e negocionan ni un palabra tocante e cuido di e aire y e costa rond di e refineria. Nos ta hopi preocupa cu e salud di nos ciudadanonan cu mester inhala y tolera e aire sushi tur dia. Ken ta paga pa e malesa causa pa e aire yen pollution? Nos ta biba den un tempo ‘verde’, no di partido so, si no di global ‘greening’. Laga nos respeta nos ciudadanonan cu insisti cu Valero filter e aire rond di San Nicolas.

DUNA COMENTARIO

Please enter your comment!
Please enter your name here