Aruba Un Biaha Mas Presente Na Vakantiebeurs
Trade & Consumer Show Cu Ta Tuma Lugar Anualmente Na Utrecht, Hulanda
ORANJESTAD(AAN)– Tur aña e famoso Jaarbeurs hallen na Utrecht ta wordo converti den un mundo excitante pa esnan den e mundo viahero . Akinan ta tuma lugar e show di mas grandi y di mas importante di Hulanda esta ‘Vakantiebeurs’ cual ta un show di 6 dia en total.
Aruba Tourism Authority Europe presente
Ta mas cu claro cu Aruba no por keda sin atende e show aki. Pues un delegacion di ATA Europa a traha duro pa asina nan por set up un booth bunita, colorido, y yamativo caminda cu nan a parti brocuhers, tas, pen, y varios otro material nan pa asina promociona nos isla. Pafor di jaarbeurs por a mira diferente posters di Aruba na e bus stops nan. Esaki ATA a pone pa sigura cu e bishitante nan sa di Aruba su presencia durante e show aki. A hasi uso di studiante nan Arubiano residencia na Hulanda pa juda duna informacion di Aruba.
Durante e show Martinair a hasi un subasta pa gana 4 pasashi cu hotel stay pa Aruba. E placa cu di esaki a bai pa SOS Kinderdorpen. Tambe a subasta 2 pasashi pa Aruba cual e plaka di esaki a bai pa yuda esnan damnifica na Haiti. ATA tambe a mustra nan support cu 2 pasashi. The Mill com tambe Renaissance a ofrece un week stay.
E hotelero nan di Aruba tambe tabata presente. Tierra del Sol, Divi Village, Renaissance, Westin, Radisson, como tambe De Palm Tours kende nan tabata tey pa representa nan mes.
Durante e show. Sr. Humphrey Vrolijk a reuni cu varios key players den e mundo viahero pa asina wak con por engrandece e relacion nan existente of pa crea relacion nan nobo. TUI, Does Travel, Cheap Tickets.nl, y tambe a papia cu Portugal pa wak si por yega na un acuerdo pa cuminsa cu un buelo al estilo charter for di Portugal.
Ariba e potret nan por aprecia mas di e bunita booth di Aruba. Ariba e prome potret por nos Gevolmachtigde Minister na Hulanda, Sr. Edwin Abath conhuntamente cu Sr. Roy Hart kende ta Regional Director Benelux na ATA Europe. E segundo potret ta mustra e booth di Aruba.
