Home Cultura Arubiano Residencia Na Hulanda Ta Duna Workshop Con Pa Isola Dna

Arubiano Residencia Na Hulanda Ta Duna Workshop Con Pa Isola Dna

3
0
SHARE
- Advertisement -

Alumnonan di schoolnan secundario ta isola nan propio DNA

arubiano_DNA_1ORANJESTAD (AAN): For di Groningen, Hulanda, a haya sa cu Edmond de Cuba ta un docente Arubiano trahando na Institute for Life Science & Technology (ILST) cual ta un ‘school’ di Hanze University Groningen of Applied Sciences. Siman pasa Edmond a tene un workshop con pa isola DNA for di banda paden di bo cara.

E workshop a worde duna na alumnonan di HAVO-3, VWO-3 y Atheneum na Groningen. Ta asina cu e alumnonan aki ta den e fase cu nan mester scohe un studie profiel.

   Edmond ta splica pa kico e escogencia di un profiel ta importante: Fuera di ta docente mi ta tutor y studieloopbaanbegeleider di studiantenan den nan prome studiejaar. E prome cos cu nos ta controla ora un studiante inscribi su mes ta su profiel. Biologie, wiskunde, scheikunde, natuurkunde ta materianan cu e studiantenan lo haya durante nan estudio na ILST. Awor, si bon no tin e profiel adecua no ta nifica cu bo no por sigui e studio, pero loke si mi ta experencia ta cu un studiante cu no tin e profiel correcto ta haya su mes cu hopi dificultad pa cu e estudio. Consecuencia ta cu e studiante ta stop cu su estudio.

   Rijksuniversiteit Groningen (RuG) pa un tempo caba tin un Discovery Truck cu ta fungi como un laboratorio mobiel. Nan ta core ful Hulanda y otro paisnan den Europa pa brinda entre otro alumnonan di schoolnan secundario e oportunidad pa bin den contacto cu diferente tecnicanan. Esaki ta worde haci pa medio di varios topiconan. Edmond hunto cu dos studiante di Biomedisch Laboratorium Onderwijs a sali cu e Discovery Truck pa duna nan workshop.

  Riba e pregunta kico ta e meta di e workshop y pa kico a scohe DNA como topico Edmond ta contesta:

   Mi tin cu bisa cu e workshop tin diferente meta. E meta prinicipal ta trece alumnonan den contacto cu tecnicanan cu ta worde usa den laboratorio medico. Laganan experencia cu door di uso di diferente tecnicanan bo por logra cosnan interesante y bunita. Tambe di e forma aki nos ta haci nos estudio na ILST mas conoci y asina atrae mas studiante cual pa nos ta hopi benificioso. Mi a skirbi un proyecto pa tur schoolnan secundario na Hulanda na unda nos ta duna un workshop pa isola bo mesun DNA y hiba esaki cas den un hanger. Mi a kies pa DNA pa motibo cu e ta un topico hopi actual. Tur dia den diferente media bo ta lesa, mira of scucha algo tocante DNA. Tur cos cu ta biba of a yega di biba tin DNA.

   E workshop tabata un exito rotundo. Tanto alumnonan como tambe maestronan a keda masha impresiona na momento cu nan a wak nan mesun  DNA.

- Advertisement -

DUNA COMENTARIO

Please enter your comment!
Please enter your name here