Home Cultura Ateliers ’89 Lo Produci Un Espectaculo Unico Den Forma Di Un Show...

Ateliers ’89 Lo Produci Un Espectaculo Unico Den Forma Di Un Show Pa Televicion Y Tambe Workshops

1
0
SHARE
- Advertisement -

atelier_1ORANJESTAD (AAN): Ateliers ’89 ta produciendo un show/programa di Televicion hopi exitante yama “STARS OF TOMORROW”, conhunto cu un workshop di actuacion y direccion di pelicula.

   E ta e prome workshop den su genero duna na Aruba cu ta bay focus ariba e sensibilidad di actua dilanti camera y dirigi actornan pa televicion. Un otro aspecto unico ta cu, prome e studiantenan ta worde siña e finesanan di actuacion, cual e ultimo lo worde poni di biaha ariba ensenario, den un ambiente totalmente profesional.


E show lo sigui mustrando e esenanan aventuristico tras di camera di e participantenan na e workshop na momento cu nan ta siña e practicanan esencial, cu lo mester pa ta un “STAR OF TOMORROW” den nan mes un programa di televicion, e ora nos lo pasa e “PREMIERE” di nan creaccion “PRIME-TIME” na ATV.

  E actor Australiano Ben Steel a regresa su dushi Aruba un bez mas pa supervisa y produci e show aki pa televicion y lo conduci tur dos workshop simultañamente. E technicanan requeri pa haci pelicula ta hopi diferente cu esunan cu ta worde usa pa teatro bibo, unda cu e actor tin cu comunica te cu e ultimo asiento den e teatro, comenta pa Ben. Actuacion pa pelicula ta hopi mas suave , e camera ta coi cada exprecion, esunan di mas chikito, infleccion y pensamento, e actornan tin cu ta hopi mas controla.

Directornan tin cu mester sa visualisa con e actuacion ta worde traduci pa e camera, produci e technicanan esencial pa saka afo e presentacion den e actor pa televicion y haci casting di e actor corecto pa cada rol separa. Actua pa pelicula o actua pa teatro ta cada uno un arte ariba nan mes.

  E proyecto nobo di Ateliers ’89 “STARS OF TOMORROW” ta sigui esun di “Summer Booth Camp” duna aña pasa pa Ben Steel mes na Ateliers’89. 

Elvis Lopez hunto cu Evelino Fingal y Jos Howeling a cuminsa e proyecto aki na aña 89, cu e unico meta pa duna oportunidad na hoben y adulto pa atravez di e workshopnan aki, por sigui train, produci nan arte y inspira, pa asina sigui engrandece nan mes segun nan preferencia artistico. Desde su reapertura cuater aña pasa, Elvis Lopez a bin ta organizando regularmente y treciendo workshopnan di arte visual, literatura y arte di ensenario (Performing Arts) pa artistanan y maestronan local y di rond mundo henter.

  Televicion local 15 ATV y e emisora COOL FM 98.9 ta parti oficialmente di e proyecto aki como “Media Partners”. ATV lo pasa exclusivamente esenanan tras di camera di e workshop y su produccion pa televicion unda lo pasa e show final, cu episodionan cu ta programa pa pasa na televicion na Mei proximo. Cool Fm lo ta  e emisora exclusivo di “STARS OF TOMORROW” y asina lo pasa y tene un y tur na altura di e workshop aki y su produccion, pa televicion, entrevistanan y un “BLOG” regular unda bo por sigui e studiantenan ariba nan web- site.

  Inscripcion pa e show televisivo y e workshop ta habri caba! E lo ta un proyecto di dos luna y lo cuminsa dia 1 di Maart 2010. Tin un cantidad di lugar limita, asina cu studiantenan potencial tin cu actua liher y sigura nan lugar. E dianan di les ta pa ACTUACION, Dialuna, Diaranson y Diahuebs di 6.30 pa 9.30 PM. Pa DIRECCION ariba mesun ora y e dianan ta Dialuna, Diamars y Diahuebs y e workshop ta dura te cu 30 di April.

  Pa mas informacion y inscribcion tuma contacto su Director Elvis Lopez  na Ateliers 89.

- Advertisement -

DUNA COMENTARIO

Please enter your comment!
Please enter your name here