Atraco arma na Bon Dia Supermarket
Atracadornan a bay cu mas di 1500 florin y a los tiro riba trahador
ORANJESTAD (AAN): Diahuebs anochi a drenta informe di un atraco arma na Bondia Supermarket na Cumana. Mesora a dirigi un patruya na e sitio. Na yegada di e patruya a bin constata cu aki ta trata di un atraco unda 2 persona arma cu cara tapa a drenta e supermercado exigiendo placa.Ora cu a duna e atracadornan e placa esakinan a sali bay na careda. Un trahador femenino a core sali bay nan tras pero e atracadornan a los bala riba dje pero e bala no a alcance.
Nan a bay cu mas di 1500 Florin.
E team di atraco a ser avisa di biaha y nan a bay na e sitio y inicia cu e investigacion.
E oficialnan di e investigacion tecnico tambe presenta y a bay cu un huls di un tiro cu a ser dispara durante e huymento.
