Vocero di FCCA:
ORANJESTAD (AAN): Den entrevista cu Vocero di FCCA, Franklin Leest el a duna di conoce cu den e proximo lunanan lo bay tin algun vindishi. Esaki lo sosode a base di incumplimento di e pagador mes. E personanan aki pa un tempo largo FCCA ta trahando cu nan y ta purba yega na un solucion cu nan. Pero den e grupo aki tin personanan cu no ta interesa mas den nan cas y nan ta keda cu e patronchi di mal pago.
Tin hende cu responsablemente ta acerca e institucion y ta papia cu nan pa por busca un solucion y si parti di e pago por worde haci, a bisa.
No ta trece efecto den e parti di atraso cu pago mucho mas grandi y cu si nan no a bin aden. Tin clientenan cu tog ta keda sin paga.
Aunke tin hende cu no ta cumpli y ta keda faya cu FCCA tin tambe e grupo riba nan mes ta acerca FCCA pasobra nan tin problema financiero y ta premira problema pa cumpli cu pago.
Segun Leest nan ta spera cu hopi pronto e personanan aki por haya un trabao of haya nan trabao back cu nan por bin bij cu nan pago.
