Home General AVP cu mocion pa haci donacion di vacuna contra AH1N1 na paisnan...

AVP cu mocion pa haci donacion di vacuna contra AH1N1 na paisnan den nos region

0
0
SHARE
- Advertisement -

avpreneherdeAruba tin di mas y fecha di expiracion ta cerca:
ORANJESTAD (AAN) — Den entrevista cu señor Rene Herde, lider di fraccion di Partido AVP den Staten, el a duna informacion riba un mocion cu a worde tuma den Parlamento ayera, y di forma unanime. Rene Herde a bisa cu Parlamento a tene un bon reunion, cortico pero al caso, unda cu fraccion di AVP a trata e proposicion di cambio den e ley di malesa contagioso, pa inclui den dje e virus AH1N1 (griep di porco).
E lider di e fraccion di AVP a splica cu loke a sosode aña pasa ta cu e gobierno na mando, na momento cu a confronta cu e virus aki, a pasa un decision temporal pa por saca placa y pa por competi cu esey.

Pero locual Parlamento a caba di haci, ta adapta e ley di malesanan contagioso pa inclui e virus menciona, pa si den futuro e bolbe plama, gobierno por tin e instrumentonan legal, y pone placa disponible pa combati esaki.

Rene Herde a señala cu tambe e mocion cu a pasa ayera, ta pa propone e minister di Salud Publico pa comparti e vacunanan cu a resta cu otro paisnan cu mester di dje, y haci esaki prome cu e vacuna caduca, cu no falta mucho.

Herde a subraya cu despues cu Aruba a haya regala for di Hulanda, un cantidad grandi di vacuna pa combati AN1H1, su fecha di vencemento ta yegando, y mirando cu den e region di Caribe y America Latina tin paisnan unda cu ainda e virus ta un peligro grandi, y cu nan no ta dispone di e vacuna na un cantidad suficiente, Aruba por proporciona esaki.

El a agrega cu teniendo cuenta cu Aruba ta un isla turistico, cu ta haya hopi hende ta bin di, y ta bay na e paisnan den nos region, gobierno kier sigui proteha nos poblacion contra e virus aki, y como cu nos tin suficiente vacuna pa e poblacion local, y ainda tin un cantidad di sobra cu na corto plazo lo vence y lo no por worde uza mas, a propone e Minister di Salud Publico pa propone cerca PAHO, cu si enberdad e peligro tey, y pa no laga e vacuna aki bay perdi, wak si nos por distribui den e paisnan di nos region e vacuna, pa yuda den e prevencion y expansion di e virus.

- Advertisement -

DUNA COMENTARIO

Please enter your comment!
Please enter your name here