Home General Booshi Wever a coba mama di Juan David Yrausquin den pleno reunion...

Booshi Wever a coba mama di Juan David Yrausquin den pleno reunion di Parlamento

0
4
SHARE
- Advertisement -

Despues di un bon stoot Booshi a respeta y sinta keto keto…
Imagen na Tele Aruba a prueba tur loke a sosode….
ORANJESTAD (AAN): Antes na Tele Aruba MEP tabata haci y deshaci den noticia ora cu ruman di Marisol tabata traha eyden. Awor cu 100 dia di gobernacion loke cu Tele Aruba ta hacienda pa MEP ya caba no ta suficiente. Pesey mes dos carta a sali caba pa gerencia di Tele Aruba y tambe pa Setar pa cuestiona di con Tele Aruba no ta dos biaha pa siman na conferencia di MEP.
MEP no ta kere den nan mesun canal na Sta Cruz pasobra ta poco hende cu bril di palo na Sta Cruz ta mire.


Booshi Wever lider di e fraccion di MEP manera semper a bolbe falta respet den parlamento.
Fraccion di MEP por manda mil comunicado mes si nan kier pa purba down play loke nan lider di fraccion a haci. Sinembargo Tele Aruba a graba for di comienzo te final e actuacion di Booshi.

Ni maske presidente di parlamento a pidi Booshi pa warda un rato tog esaki no a yuda. Ora cu Booshi Wever no a haya su kier el a coy su cosnan pa bandona sala.

Manera un par di cabrito e resto di e parlamentarionan di MEP tambe a coy nan cosnan pa sigui Booshi. Naturalmente Booshi Wever conoci como un homber sushi y sin respet no a keda sin tira palabra insolente den direccion di e fraccion di AVP.

Booshi Wever a coba mama di Juan David y despues di medio sali di e sala a bin back den sala y yama Juan David afor pa bringa tambe. Tur esaki a pasa na Tele Aruba pero e fraccion di MEP no ta mira tur e parti aki.

Si tabata den gobierno di MEP nan lo a censura tur e parti aki. Awor no tin tapamento di MEP mas den Tele Aruba y tur cost a bay on. Tur partido tin mesun derecho atrobe na Tele Aruba.
Ora cu e situacion a bay for di man y cu Booshi Wever a coba mama di Juan David naturalmente Juan David no a tume aden. Booshi a yama Juan David pa bin bringa.

Den su rabia Juan David a lanta y bay pa Booshi tambe. A busca manera di evita agresion parando mey mey di nan dos. Booshi tabata basta spanta pasobra e no a spera e reaccion ey.

Mescos e demas miembronan di e fraccion di MEP, esnan di AVP tambe a lanta mesora pa yuda nan colega. Melvin Tromp di AVP a dal Booshi un stoot y hera pone core riba su atras.

Segun Booshi nan a dale di patras pero tur hende por a mira cu esey no ta e caso. E no sa mes cual dumptruck a dale. Loke Booshi a haya ta loke e tabata buscando basta dia caba. Awor el a haye.
Spera cu esaki ta un les pa Booshi.

Booshi y henter e fraccion di MEP ta buscando manera di hala atencion riba otro cos cada biaha cu AVP score. Nan no por biba cu e realidad di bida. Si boso por a traha drechi awe boso lo no ta den oposicion.

- Advertisement -

4 COMMENTS

  1. Ken e homber color scur cu bachi bruin cu Melvin Tromp tbt pusha ta????? Pero ban papia berdad, Briesen tambe a dal mi no sa ta ken un bon pusha den su pecho. Pero berguensa nacional e cos ey, caminda cu hendenan supuestamente educa mester ta sinta ta hasi e e cosnan ey, Foeiiiii

  2. E les di Sr. Wever no ta caba aki cun un stoot chikito cu a hasiele perde equilibrio. E pior cos no ta perdemento di equilibrio fisico sino e falta di equilibrio mental di e persona aki, e actitud salvahe di un pober homber cu ta victima di su propio conflictonan. Aruba no mester parlamentarionan cu problema mental.

  3. Loke a sosode ayera no mester pasa den nos parlamento pasobra nan mester ta ehempel pa e pueblo.
    Mi opinion ta pa nan schors tur tres parlamentario, 1 pa vocabulario sushi, 1 pa reacciona riba e vocabulario sushi, y e otro pa agredi un otro parlamentario.

  4. Nan mester a klap e mande hospital mes paso ta masha anja caba e ta cana ta H**E pesey nan a dal e na airport tmb caba..lage na su luga y lage sigui cu su style te ora nan pone bai plat.laga si tbt mi mama e orey lo tbt tin BOSHI FEVER!

DUNA COMENTARIO

Please enter your comment!
Please enter your name here