Camry blanco a pega candela y kima casi completo
ORANJESTAD (AAN): Un Camry color blanco nunca mas lo por subi caminda mirando con el a keda despues cu candela a caba cune. Bomberonan a ser manda cu urgencia riba e pida tereno pabao di waya di aeropuerto pariba di Havana.
Ora cu bomberonan a yega mesora a cuminsa paga e candela. E momento ey tabata tin e carnaval di mucha yegando den e area y tabata tin basta hende.
Parce cu tabata un corto circuito a ocasiona e candela. E auto a kima parcialmente pafor pero su interior si a bay completo.
