Castigo condicional pa menaza riba polis
ORANJESTAD(AAN): Diahuebs na corte a tuma lugar un caso den cual Germain B.I.D, Germaine J.W y Garteyth G.W a worde acusa di menaza un of mas hende cu un crimen contra nan bida riba 15 di November 2008.Esaki door di bisa “awor boso ta bay wak kico ta bay pasa” y “boso tur ta bay haya bala”. Banda di esaki D. a worde acusa di posesion di un cantidad di marihuana riba mesun dia. E menazanan a bin entre otro ora cu polis a kita brommer for di un di e acusadonan y nan a worde deteni.
Fiscal a exigi pa Germain D. un castigo di 90 dia di cual 84 ta condicional, contra Germaine W huez a exigi 60 dia di cual 50 ta condicional y contra Gareyth W huez a exigi tambe 60 dia di cual 50 ta condicional.
Pa loke ta Germain D. huez a bisa cu e no por dicta sentencia, como cu G.D ta militar y mester aparece den un corte militar.
Pa loke ta e otro dos acusadonan, huez a duna ambos un castigo di 20 dia, di cual 10 dia ta condicional. E resto nan a sinta caba den detencion preventivo.
