Home Hudicial Castigo di 8 aña duna na Jason Mathilda, pa hinca Gilbert Regales...

Castigo di 8 aña duna na Jason Mathilda, pa hinca Gilbert Regales mata

41
2
SHARE
- Advertisement -

JudicialORANJESTAD(AAN): Diabierna na corte a huez a duna su veredicto den un caso contra Jason Mathilda., kende a wordo acusa di a kita bida di Gilbert Regales door di hinke cu cuchio.
Algun siman pasa e caso a wordo trata y fiscal a exigi 8 aña incondicional contra e acusado, kende durante un pelea dilanti di Bam Bam Café aña pasa, a hinca Regales na su garganta.
Huez a bisa cu e ta rechaza defensa di parti di abogado di J.M, cu J.M lo no tabata tin intencion di tuma bida di e victima.
Segun huez, despues cu J.M na varios occasion a nenga cerca polis cu e tabata esun cu a hinca Regales, na dado momento el a admiti cu intencionalmente el a hinca e victima na pecho y garganta pa tuma su bida.

Durante tratamento di e caso den corte J.M a bisa huez cu door di rabia el a bisa cu intencionalmente el a kita bida di Regales y cu no tabata su intencion di berdad.

Huez a bisa cu e no ta kere e storia ey, pasobra despues di algun siman despues cu el a admiti cu el a hinca Regales, ainda e tabata bisa cu el a hinke pa kita su bida.

Abogado di J.M a bin cu e defensa tambe cu J.M a actua den defensa propio, pero huez a rechaza esey tambe.

El a bisa cu durante e problema cu tabata tin entre amigo di J.M y Regales, J.M tabata den auto y el a scoge di Sali bay y hinca Regales mes ora.

Huez a bisa tambe cu e no a haya evidencia cu J.M mester a saca un cuchio pa defende su curpa.
Huez a menciona tambe cu rapport di reclasering ta mustra cu tin chens basta grandi cu den futuro J.M por comete mesun tipo di crimen atrobe, si e no wordo trata debidamente.

Huez a dicidi di bay di acuerdo cu exigencia di fiscal y duna Jason M. 8 aña di castigo incondicional.

- Advertisement -

2 COMMENTS

  1. 8 anja sooooo???????? unda aruba ta bai? bo ta kere bo ta kita un bida di un ser humano tata di yu y un yu di mama y bo ta haja 8 anja di kastigo so??? di e 8 anja ey nan ta kita 3 anja y e tin ku sinta 5 so,y porta e ta bai kas mas tempran paso ki ta yen y nan mester lugar pa otro hende y si e tin buena conducta e ta sali liber despues di 3 of 4 anja, unda aruba ta bai! e mester a haja 15 anja di eynan kita 3 anja lage sinta 12 anja! esey ta kastigo!

  2. Esun cu kita bida di hende merece di nan bida wordo kita bek via di e sistema huridco bou di cual nos ta biba. Reino Hulandes mester cuminsa pensa ariba introduccion di sentencia di morto pa esnan cu ta hasi tipo di crimen nan asina. 8 anja ta net net nada… manera “conseho” a menciona ta asina mes ta bai pasa tambe y aki poco tempo e criminal aki ta riba su dooie gemak liber pa bolbe kita bida di cualkier hende cu hasie rabia.

DUNA COMENTARIO

Please enter your comment!
Please enter your name here