Home Cultura Charla Ban Papia Papiamento na Club Don Bosco

Charla Ban Papia Papiamento na Club Don Bosco

2
0
SHARE
- Advertisement -

don bosco papiamentoORANJESTAD (AAN):— Relaciona cu Dia Internacional di Lenga Materno e Fundacion Lanta Papiamento a tene un lectura interesante encuanto Papiamento den presencia di diferente mandatario.

    Dia 22 di mei 2009 un grupo di Linguista/Papiamentista a lansa Fundacion Lanta Papiamento durante un actividad cu charla y presentacion musical.

E obhetivo principal di FLP ta promocion di desaroyo y di status di Papiamento. Esaki pa medio di, entre otro, incentiva un maneho di idioma consecuente pa enseñanza y comunidad den su totalidad; investigacion linguistico y literario; desaroyo di material linguistico educativo; organiza actividad pa publico general tocante lenga, literatura y otro aspecto cultural-artistico y publicacion di temanan linguistico, literario y cultural historico di Papiamento.

   Orador nan tabata Sr. Ramon Todd Dandaré, kende a presenta e charla “Nos enseñanza ta di nos?”.  Despues a sigui presentacion di Teatro Foro bao direccion Sacha Geerman y Ricky Croes kende nan a presenta un obra cortico masha humoristico. E orador invita tabata Señora Diana Lebacs kende a presenta e charla “Papiamentu a bay school” cu a worde sigui pa un seccion pa pregunta.

   Despues Director Interino di DCA y Jos Maduro di GCP a presenta e buki di poesia di Señora Carmen Lampe y su yiu Ineke Lampe. E tabata un sorpresa pa Señora Carmen pasobra e no tabata con e buki a keda.

   Tambe tabatin e parti di tayer cu participacion di dos grupo cu mester a contesta preguntanan y cada grupo mester a pega nan contestanan riba muraya. Algo masha humoristico pa mira cual grupo a bira e ganador.

E anochi a worde clausura bou tononan musical di Tino Ruiz y Etty Toppenberg.

Dia 21 di februari, Dia Internacional di Lenga Materno, Fundacion Lanta Papiamento a firma e acta di su constitucion dilanti di Notario Ralph Yarzagaray.

- Advertisement -

DUNA COMENTARIO

Please enter your comment!
Please enter your name here