Dama a haci intento di mata curpa
ORANJESTAD(AAN)– Diabierna atardi a drenta informe di un caso di intento di suicidio na un cas na Bakval, Mesora a dirigi tanto polis como ambulans pa e sitio. Na yegada di e patruya nan a constata cu den e cas tin varios mancha di sanger y despues nan a papia cu esun cu a yama kende a mustra nan un dama cu tabata tin menos bon intencion y a corta su pols. Na yegada di ambulans mesora nan a atende e dama y a transporte pa hospital. Tin biaha situacionnan fastioso ta pone hende haci cosnan drastico pero esaki no ta e solucion. Departamento di Asuntonan Social tin un seccion specialmente encarga pa atende tur problema cu ayudo di hendenan profesional.
