Home General Dochi Lee cu contrato lucrativo y cobrando pero nunca a presenta na...

Dochi Lee cu contrato lucrativo y cobrando pero nunca a presenta na trabao

8
2
SHARE
- Advertisement -

Esaki por ser considera un ladronicia? Ata prueba pa pueblo….
6000 Florin pa luna trahando 8 ora pa siman….
ORANJESTAD (AAN): Aruba ta corda ainda con Nel Oduber lider di MEP tabata papia di trece cambio den e partido. E tempo ey entre otro Marlon Werleman mester a bay pasobra Nel a bay renoba e partido y pone hende nobo y hoben. Wel Dochi Lee di 65 aña di edad ta un di e nobonan cu Nel a pone. Eleccion a pasa y Dochi tambe tabata den e grupito cu tabata fiesta den directiva di lotto.


Aunke un tempo e tabata poco rabia tog nan a convence back despues pa sigui cu nan.
Dimes famia Lee den e caso aki Dochi y Ramon a hinca nan yiunan den funcionnan directo cu tin di haber cu Lotto pa Deporte ganando basta placa.

Asina mes e placa no tabata suficiente. Despues cu MEP a haya un bon lastra sin spera dia 25 September 2009 a cuminsa haci tur clase di tramite pa laga friends and family bon para financieramente pa un temporada largo.

Dochi Lee tabata un di nan. Tin biaha lo bo no kier yama hende pa ladron pero ora cu bo mira kico e hendenan aki ta haci pa haya placa no tin otro palabra. Tin hopi manera di horta. Tin manera legal di horta placa di pueblo tambe.

Kizas esaki ta un di e formulanan. Dochi Lee kende tabata den bestuur di lotto dia 14 di October 2009 den un reunion unanimamente a acepta su retiro di e directiva. Mesora su tras nan a dune un contrato. Un contrato cu e no bal.

Con e grupito cu tabata maneha Lotto Por bin splica awe cu e directiva di lotto a tuma un decision corecto?

E directiva ta yena cu friends and family. Nan ta aproba cos pa Edmond y ruman Endy Croes director di lotto. Awor nan mes ta sigui aproba cos pa Ramon ruman di Dochi.

Vice presidente di e directiva cu ta Rufo y tambe Eddy ta hombernan grandi y scapa cu a demostra aki cu nan partido MEP ta bay prome y sostene of aproba bagamunderia. Eddy y Rufo y e secretario sa masha bon cu nan nombracion no ta corecto.

Sigur despues di eleccion bo ta dicidi den un reunion pa duna Dochi su retiro den e directiva y despues aproba su contrato. Dochi e homber di 65 aña cu a subi lista geel pa renoba e partido a haya un contrato nunca bisto cu a cuminsa entrante 1 di November 2009.

Riba e prome dia cu e gobierno nobo a presenta oficialmente na trabao, Dochi tambe mester a cuminsa traha despues cu dia 14 di October nan a dicidi di dune e contrato. E lo mester a ta traha 8 ora pa siman, cobra un salario bruto di 5500 Florin y hunto cune 250 Florin pa telefon y 250 Florin pa auto vergoeding. Bay ta sinberguenza.

E siman cu a pasa Dochi lo a haya un carta unda el a ser notifica pa no presenta mas. Pa colmo DIARIO a tende cu ningun dia so e lo a presenta na trabao pero si parce a cobra sigur tres luna. Pakico?

Esaki ta confirmacion di e miyones cu e grupo aki den lotto tabata mal gasta pa nan propio interes.

E investigacion ta andando keto bay y paso pa paso esnan trahando ta pasando den cada fase pa finalmente keda cla. Esnan cu nan consenshi ta remorde e momentonan aki por keda trankil pasobra cerca nan tambe lo bay yega cartanan e dianan aki.

E contrato di Dochi a ser firma pa esnan cu awe tampoco tey mas trahando. Ambos director ta na cas e momentonan aki. Mescos cu Dochi a sostene e directiva pa nombra Endy Croes como director, awor Endy Croes hunto cu Ricky Croes tambe a firma e contrato pa Dochi haya trabao cu salario di miles di Florin pa luna.

Asina un man ta laba otro. Den MEP so tipo di cos por sosode. Un biaha mas cada ken por lesa e contrato y finalmente saca nan conclusion con maneho di lotto tabata bay y pa kende tur placa tabata ser destina.

E pueblo ta cumpra lotto pa e grupito fiesta na gran antoho hunto cu nan famianan rond di nan. Ademas e siman aki so lotto a gana dos caso despues cu e directiva nobo a manda dos trahador cas. E trahadornan aki a ser nombra politicamente despues di eleccion y huez a confirma esaki. Pues e trahadornan cu a haya traba politicamente a perde nan caso.

- Advertisement -

2 COMMENTS

  1. mi ta kere a jaga tempo pa pueblo habri wowo
    i no kumpra lotto mas te ora e ladronnan tur sali
    di eyden kumpra number biyechi,of mega. na ta bale la pena pa traha duru kobra un tiki plaka pa buna ladronnan gosa.ajega tempo panan bai sigi
    gosa tras di trali danki.

DUNA COMENTARIO

Please enter your comment!
Please enter your name here