Home Cultura FAVI den aña nobo

FAVI den aña nobo

4
0
SHARE
- Advertisement -

ORANJESTAD (AAN); FAVI a habri aña 2010 cu un director nobo den nomber di señora Cetty Baarh-Bijlhout. Señora Baarh no ta desconoci den e trabao cu personanan cu un limitacion visual. Despues di 14 aña den e funcion di terapista di revalidacion el a dicidi di tuma e reto pa sigui dirigi e organizacion di FAVI. Directiva, trahadornan y clientenan ta yama bonbini na señoraBaarh y alaves ta desea e director saliente hopi exito den su carera. 

   Despues di un vakantie di pasco y aña nobo, FAVI a cuminsa back cu su actividadnan semanal pa su clientenan.

   FAVI-Do ta consisti di un grupo di mas o menos 50 persona di diferente edad cu ta ciego of cu tin un limitacion visual. Nan ta bini huntu tur diahuebs di 9or di mainta te cu 11or di mainta. Bou di guia di algun boluntario e clientenan ta traha flor, macuto di pitriet y ta traha obranan di macramé y otro obranan di man. Mayoria di e clientenan masculino ta gusta hunga domino of traha den carpinteria. 

Ariba diamars un grupo di mas o menos 20 cliente ta haci ehersicio. FAVI tin un fitness-room amplio cu diferente machin pa train. Tambe e grupo ta haya aerobics y yoga pa relaha e curpa. E ehersicionan ta worde duna door di boluntario. 

FAVI ta brinda tambe, les di computer, les Braille, typeles, actividadnan den grupo, tambe individual, guia social, guia tempran pa baby y muchanan mas grandi 

Asina FAVI por sigui menciona hopi ayudo mas cu por worde ofreci na personanan cu un limitacion visual of cu ta ciego y nan famianan. Pa informacion mas detaya, tuma contacto cu centro di FAVI na telefoon 582-5222 / 582-5051 of pasa na Primavera 233. FAVI ta cla pa yuda bo.

- Advertisement -

DUNA COMENTARIO

Please enter your comment!
Please enter your name here