Home Social Funari Ta Hopi Contento Mes

Funari Ta Hopi Contento Mes

3
0
SHARE
- Advertisement -

funari_Danki CMBORANJESTAD (AAN): Directiva, staf, cliente- y boluntarionan di FUNARI ta gradici Carribean Mercantile Bank y tur otro patrocinador pa e oportunidad cu nan ta brinda na e clientenan di FUNARI y tambe clientenan di otro instancia, pa por bay mira Carnaval di Aruba.

  Ta asina cu algun aña atras, un comicion di e grupo Carnavalesco Los Laga Bay, a cuminsa cu un V.I.P. stand den temporada di carnaval.

  E meta di e V.I.P. stand aki ta pa percura pa alegria y goso carnavalesco na grupo di ciudadanonan cu desafortunadamente hopi  biaha ta ser lubida durante festividadnan di carnaval. Akinan ta referi na nos grandinan y tambe nos hendenan cu un of otro limitacion.

  Actualmente un di e motornan grandi tras di e proyecto bunita aki ta Caribbean Mercantile Bank. For di lunanan prome cu carnaval preparacionnan ta cuminsa pa asina e clientenan di Funari y tambe otro instancianan por disfruta di carnaval di Aruba, bou di un tent espacioso, cu ta completamente sera pa siguridad di un y tur bao di e tent.

   Pa e ultimo añanan Funari y e otro instancianan a haya bon coperacion di esnan encarga cu permiso pa kavel, esaki como cu e ta un proyecto na beneficio di instancianan social y di esnan grandi di menos recurso. E kavel ta ubica di tal manera cu specialmente e clientenan riba rolstoel ta logra haya un bon contacto cu e carnavalistanan. Esaki ta duna nan un alegria imenso.

  Pesey pa medio di e comunicado aki, FUNARI ta yama danki na CMB, Leysner & de Cuba Accountants, WEB N.V., ALBO, Bon Bini Cargo y Bucuti Hotel cu ta haci e proyecto aki un realidad.

   Riba combinacion di potret por mira con clientenan di FUNARI a disfruta di carnaval 56.

- Advertisement -

DUNA COMENTARIO

Please enter your comment!
Please enter your name here