Ganadornan di e torneo di ranking A y B Class di Ping Pong
ORANJESTAD (AAN)— Diario Deportivo tabata presente den e torneo di Ranking di A y B Class di Aruba Table Tennis Association cu a tuma lugar recientemente na Sport Hall na Santa Cruz.
Den e torneo aki a resulta como ganadornan den e categoria “B” Class, Michael Ling na prome lugar sigui pa Edward Wong na di dos lugar, na di tres lugar Louis Posner y na di cuater lugar Sandy Ras. Den Categoria “A” Class e ganadornan tabata Mario Lobo na prome lugar, Remy de Lange na di dos lugar, Rocky Ras na di tres lugar y Andy Gomes na di cuater lugar.
Diabierna 26 di Februari lo bai tin e siguiente torneo den e categoria infantil y hubenil, esaki lo bai tuma lugar na Gymzaal di Colegio San Antonio na Santa Cruz, cuminsando for di 4’or di atardi.
Ariba e combinacion di potret por aprecia algun imagen di e torneo aki.
