Homber a worde hinca durante lastlap diasabra anochi
ORANJESTAD(AAN)- E parada bunita di Lighting Diasabra anochi no a bay sin ningun incidente ya cu durante e lastlap un homber naci na Boneiro biba na San Nicolas a worde hinca.
Mirando e situacion cu tabata reinando y cu tabata tin hopi hende ariba caya mesora a dirigi personal di rode kruis, ambulans y polisnan na e sitio.
E victima di inicialnan M.N.A. naci na Boneiro di 24 aña a a ricibi tres hinca y tabata sangra formal segun e version policial ta indica.
Cu urgencia e victima a worde transporta rumbo pa Horacio Oduber Hospital, caminda esnan den policlina tabata spera riba su yegada pa e mesora e ricibi atencion medico.
No tabata tin mas informe adicional relaciona cu e suceso aki kende por a hinca e persona aki y si el a wordo deteni.
Segun procedura lo scucha testigo (nan) y tambe e victima pa compila datos pa recherche bay pone man riba esun (nan) responsabel.
barbie
ami ta hanja cu nan mester pone polis na burger bisti esaki no ta wega i nan meter duna e criminal nan ei hopi CASTIGO.DANKI
lizi
pica pa e homber boneriano..pica…mi ta puntra mi mes dikon arubiano nan ta asina..no ta mihor nos disfruta di carnaval sanamente? Y si bo tin problema esei no ta e manera pa resolve
blackwidow
nos arubianonan no ta asina ta e mundo ta asina jen di e malbadonan aki i si polis koinan ku manduro lo nan por bin planta respet bek.
pasobra no tin respet !!!
husticia.
Aruba Aruba unda nos ta bai.
ami ta nase na Aruba, y biba na Bonaire pero mi tin hopi miedo pa laga mi ju bai Aruba pa School
Aruba no ta e Aruba ku mi a lanta konose.
Dushi lugar sigur.