Home Politica Hopi departamento ta exigi rekisitonan cu no ta para den ley

Hopi departamento ta exigi rekisitonan cu no ta para den ley

0
0
SHARE
- Advertisement -

Segun lider di PDR,
ORANJESTAD(AAN): Un detaye hopi importante ta cu e polisnan a remarca cu un grupo grandi di esnan cu ta hit and run no tin rijbewijs y un factor determinante ta cu tin obstaculonan innecesario ora hende kier pasa nan rijbewijs. Esaki segun parlamentario Andin Bikker, durante conferencia di prensa di Democracia Real. El a bisa tambe cu tin hopi ciudadano nobo na Aruba y banda di pidi nan pa inscripcion na bevolking, a cuminza pidi nan tambe pa nan por mustra un permiso valido.
No solamente ora nan pidi un afspraak pa nan pasa e rijbewijs, sino tambe ora nan bay pasa nan rijbewijs. Ta pidi pa hopi rekisito cu no tin base legal den e ley pa pasa rijbewijs.
Ora un hende bay pasa nan rijbewijs, e polis tin a tarea di controla si e persona por maneha e auto.

“Bo no por bay controla si el a paga su gas, su coriente etc”, segun Bikker. Bo mester atene bo mes na e tarea cu bo ta hasiendo na e momento ey. E pidimento di cosnan cu no tin nada di haber cu coremento di auto ta pone cu e hendenan aki cu kier a bay pasa nan rijbewijs, ta dicidi di no bay mas, pero nan ta sigui core auto, sinembargo sin rijbewijs.

Esey ta pone cu tin chens grandi cu nan no ta debidamente na altura di nos leynan di trafico y cu ora nan causa un accidente, nan ta core bay tambe. Bikker a duna un otro ehempel unda cu hende ta wordo pidi diferente cos, cu no tin nada di haber cu e peticion cu nan ta hasiendo.

E ehempel ta ora un persona bay Economische Zaken pa pidi pa un ‘vestigingsvergunning’ pa habri un negoshi, nan ta pidibo por ehempel pa bin cu un declaracion cu ta mustra cu bo no tin debe na belasting.

Sinembargo no ta abo ta esun cu no mester tin debe, sino e N.V cu bo ta lantando.
Tur e tipo di asuntonan aki no tin base legal y pueblo ta hopi frustra cu ley ta bisa tal y toch ‘somewhere’ den e departamento un hende ta bisa “ban pidi otro rekisitonan”.

E ora ey eingelijk bo tin cu puntra bo mes dicon tin parlamento anto. Ta Parlamento ta traha ley hunto cu Gobierno. Aparentemente riba nivel departamental, ta bin cu mas rekisito cu no ta para den ley.

- Advertisement -

DUNA COMENTARIO

Please enter your comment!
Please enter your name here